كلمات واداء ملك شعراء القلطه حبيب العازمي
 

[youtube]http://www.youtube.com/watch?v=Id0CJmddI1k[/youtube]

كلمات واداء ملك القلطه الشاعر الكبير حبيب العازمي الروقي


قالها في ابناء الشيخ دحيم بن وهق المرشدي الروقي العتيبي




سلام ياديرة هل المجد والجود
الي لهم فالمجد منزل واماره


امارة (ن) مذخورتن من على جدود
ماهي بأمارة واسطه فالوزاره


من وارث لوارث ومن زود في زود
في نجد كله والمقر الخضاره


ياديرة الوهقان ياديرة العود
الي عسئ الجنه مقره وداره


دحيم ابن خالد سند كل مضهود
ريف الضعيف وريف ضيفه وجاره


وذرى لربعه كل ماهبت النود
البيت بيت دحيم والنار ناره


وقت الوازم كم بذل كل مجهود
الطيب قصده والمروه شعاره


فعله مع العالم له الثبوت وشهود
وصيته مثل صيت الحياء في دياره


رحل وكنه في هذا اليوم موجود
يوم الردي تضفي عليه الستاره


مامات ذكر الاسم و الجسم مفقود
الاسم بين الناس ليله نهاره


اسم الامير الي بلغ كل مقصود
وعقب عيال (ن) يشعلون المناره


شجعان وافين على الين والكود
وليا عطو ماحسبو للخساره


عد(ن) من المعروف حجه ومورود
ماهو بعد(ن) مصفياة بياره


الله يبقيهم لنا درع وعضود
ليا اختلف سير الزمان ومداره


وليا مدحنا مامن المدح منقود
وانزرتهم حق (ن) علي الزياره


هم سيفنا الي للمعادين محدود
ومقر يذري من زبن في جداره


الاد مرشد كان جاء العلم مردود
ساقو علئ اليوم العبوس البشاره


حماية الماقف وفكاكة القود
في ماقفن قدح المشوك غباره


نو(ن) بليا سيل براق ورعود
قدمه خلافه عن يمينه يساره


ليا التقئ الجمعين طارد ومطرود
والمنهزم حاول يرد اعتباره


يبلابه المسلم علئ الشر مقرود
ويفوز به شيخ(ن) سريع انتصاره

رد: كلمات واداء ملك شعراء القلطه حبيب العازمي
 

لاهنت على النقل وصح لسان حبيب العازمي والنعم بعتيبه

رد: كلمات واداء ملك شعراء القلطه حبيب العازمي
 

اقتباس:
المشاركة الأصلية كتبت بواسطة المطنوووخهـ [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
لاهنت على النقل وصح لسان حبيب العازمي والنعم بعتيبه


الله لايهينك ياطنطوخه ههه قصدي المطنوخه
و ونعم بحالك وتسلمين على طلتك العذبه طال عمرك

رد: كلمات واداء ملك شعراء القلطه حبيب العازمي
 

صح لسانه
ويعطيك العافيييييييه على النقل

رد: كلمات واداء ملك شعراء القلطه حبيب العازمي
 

صح لسان شاعر الخليج

وسلمت على النقل

تحياتي لكـــ

رد: كلمات واداء ملك شعراء القلطه حبيب العازمي
 

اقتباس:
المشاركة الأصلية كتبت بواسطة لـجـل آلــوعــد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لسانه
ويعطيك العافيييييييه على النقل




صح كلك بالنياابه
والله يعافيك ويسلمك طال عمرك
نور المتصفح بحضورك الرااقي

رد: كلمات واداء ملك شعراء القلطه حبيب العازمي
 

اقتباس:
المشاركة الأصلية كتبت بواسطة عبقري [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لسان شاعر الخليج

وسلمت على النقل

تحياتي لكـــ




صح كلك بالنياابه
والله يسلمك ويعافيك ياعبقري
نورت متصفحي يابطل

رد: كلمات واداء ملك شعراء القلطه حبيب العازمي
 

فزاااع
تسلم اناملك على الطرح الاكثر من رائع
لاهنتــ ي الامير

رد: كلمات واداء ملك شعراء القلطه حبيب العازمي
 

كلك ذوق اخوي رائد
تسلم الايادي