|
يا فرحةٍ هلت عليه سعدها
السلام عليكم ورحمة الله وبركاته يا فرحــــةٍ هلت عليه سَعــدها .............. من خاطـــــرٍ يبدي جديد التراحيب ترحيبةٍ من قلب يصدق وعدها .............. فاحت بطيب وفاح طيبٍ على طيب ساعة لفى نفسي جفاها زهدها .............. وخَيل مزون الحب سحر وتعاجيب حـــبٍ تباشيره يداوي لهـــدها ..............يسقي ثرى عشقٍ من الحول ماصيب من فضل ربي ما توقف حمدها .............. وأنبت زماليق الفياض المعــاشيب الروح فيها مخضرٍ في عــددها .............. والطير غـــرد باللحــون الطواريب ياصاحبي والشوق جمك وردها .............. صدرت من جـــمك عذي المشاريب عقب الظماء والوجد ياما جهدها .............. وياما بكـــبدي مونســلي لـــواهيب عذراً على المتنين ضافي جعدها .............. تغري قلوب اهل الهـوى واللواعيب قبلك تـرى والله ولا من بعــــدها .............. ما شيف مثلك يا جمـيل المخاضيب يحميك ربي من عــواذل حسدها .............. يا ســــيد تلعـــــات البني الرعابيب سبحــــان خالقها وربٍ فــــردها .............. الواحــــد اللي عالم الســــر والغيب الحب صَوب في ضميري وتـدها .............. وأحكــــم معاليق الضلوع المحاديب ضاق الحشى من يوم قلبي فقدها .............. ما غير أعدي في طــــويل الأشاذيب يا صاحبي روحي تزايد نكــــدها .............. يلومني فالحــــب خطــــو الدباديـب من لامني يا جعل يونس وقــدها .............. وتصلاه نارٍ من لفــيح المشــــاهيب فهد ثامر المرزوقي |
رد: يا فرحةٍ هلت عليه سعدها
يا صاحبي روحي تزايد نكــــدها
.............. يلومني فالحــــب خطــــو الدباديـب من لامني يا جعل يونس وقــدها .............. وتصلاه نارٍ من لفــيح المشــــاهيب صح لسانك وبيض الله وجهك على النص الفاخر |
رد: يا فرحةٍ هلت عليه سعدها
يسقي ثرى عشقٍ من الحول ماصيب|~
صح الله لسانك وإعتلآ شأنكـ رائعة من رائع ~ سلم بوحك تحيتي لك بإنتظار جديدك بكل شغف ~| |
رد: يا فرحةٍ هلت عليه سعدها
صح لسانك يالمرزوقي وبيض الله وجهك
اشهد بالله انك ابدعت الله لايضرك |
رد: يا فرحةٍ هلت عليه سعدها
صح لسانك يالامبراطور في الشعر
مافيك حيله جزاله مابعدهاااا جزاله تسلم يمناك اعجبتني كثيراً لك احلا تقييم++ |
رد: يا فرحةٍ هلت عليه سعدها
صح الله لسانك على الابداع والجزاله
تبقى مبدع وجزل بقدر ماتحمل الكلمه من معنى نص كامل متكامل من الألف الى الياء وفقك الله ومن ابداع الا ابداع تقبل مني خالص الشكر والتقدير .. |
رد: يا فرحةٍ هلت عليه سعدها
|
رد: يا فرحةٍ هلت عليه سعدها
صح الله لسانك .. ولاهنت على ما كتبت.. فيشهد الله إنك أبدعت وقت كتبت..
وأنا واحد من جمهورك بالمنتدى ويروق لي ما تكتب ,, فالك السعد تقبل مروري وتقييمي++++ |
رد: يا فرحةٍ هلت عليه سعدها
يا هلا وغلا
أرحب تراحيب المطر وانت أستهليت بالتراحيب فأقول أقلط وانت قائد الأبداع فالصياغة لله درك وصح الله لسسسسسانك حبك معنى ومبنى لا خلينا ولا عدمنا هذا الأسلوب المنفرد بالعذوبه والجمال أتحفتنا بهذه الشامخة وابد ما من قصور وافيه من وافي وبيض الله وجهك واستمر لك جمهوووووووور وجمهور حاااااضر وبقوة تقبل مروري المتواضع اخوك الصغير عامر صالح ال شنيف |
رد: يا فرحةٍ هلت عليه سعدها
وعليكم السلام ورحمة الله وبركاته ,,
حيااااااك الله يافهد ومليوون نعم يالقررم ,, صح الله لسانك وصح قلبك وكلك ابيات جزله ومعهود بالجزل يالغالي دمت ودام تميزك وقمة ابداعك ,, كل الشكر والتقدير لك ووافرالاحترام . |
| الساعة الآن 10:19 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
