|
( أمير الشريف +محمد الشريف)
سلام عليكم ارحب بالضيوف اللي جاو في غيبتي واقول نورتونا وانا اعتذر عن غيابي الطويل حبيت ألعب مع الطارف وأي شاعر منكم يشرفني لفيت بشيمتي والشوق من فوق الحشــــى وقـــاد بعد مالوقت غيبنــي عن احبابـــي ثمان شهـــــور نسيت اعضا وشفت اعضا وراح اعضا وجاو جداد ورحت وجيت لكـــــن مانسيت الاخ ابــــو مشهور |
رد: بعد مالوقت غيبني
وعليكم السلام ورحمة الله وبركاته ,,
بعد غيبتك حياك الله امير الشريف ,, صح الله لسانك على هذى البدع ولاهنت وعسى الله يجيب لك الشاعر الي يرد عليك ,, شكري وتقديري لك . |
رد: بعد مالوقت غيبني
الله يبقيك وصح الله بدنك .. مرورك فخر ..
|
رد: ( أمير الشريف + .............)
عز الله بدعه تبيض الوجه
بس ملاحظ في اكثر من موضوع تقولون ( اطرف شاعر ) وكلمه ثانيه نسيتها وانا اشوف فيها نقص بالشاعر الثاني ,,, مدري وش رايكم وبالتوفيق |
رد: ( أمير الشريف + .............)
عز الله بدعه تبيض الوجهك
بس ملاحظ في اكثر من موضوع تقولون ( اطرف شاعر ) وكلمه ثانيه نسيتها وانا اشوف فيها نقص بالشاعر الثاني ,,, مدري وش رايكم وبالتوفيق |
رد: ( أمير الشريف + .............)
يأمير ارجوك لاتقلط على جمر الهوى الوقاد
وانا من كثرحبه خايف اني احرقك دون شعـــور هلا يامرحبا بك بعد ماورّدت يالــــــــــــوراد ثمان شهور وانا فوق جمر وتحت رمضا الجور |
رد: ( أمير الشريف + .............)
ياماكس مداخله ><
انت تقول ان فيها نقص وانا مناقض لكلامك لأنها في منتدى والمنتدى لاتعلم متى اعضاءه يتواجدون لكي تستدعي الشاعر بسمه والطارف معنى اي واحد يرد سديد يقوم بالواجب او نحو هذا الكلام ولاكن لو كانت في ملعبه وصفوف في هذي صح انا معك لانها ممكن انت تأتي بحساسيات لاتنقص في قدر احد لأنك اذا رجعت في الاخير شاعر = انسان ولاني بنقص ولامزود احد لأجل القصيد وسلامتكم |
رد: ( أمير الشريف + .............)
حياك الله يامحمد ,,
صح بوحك يارئع ودمت . |
رد: ( أمير الشريف +محمد الشريف)
منورين ياشباب والله لا يعدمني تواجدكم هلا هلا هلا هلا هلا يابو علي عز الله ان لك وحشه استلم لبى روحك علام اللي يرّحب كنّ في قلبـــه نِصـــع وزناد وكن في طارف لسانه رجل من ضيقته مذعور الا ياطير رح له قل ترى ابن حسين بك نشاد وقله حن حزامه من عويــره لين حــد نشــور |
رد: ( أمير الشريف +محمد الشريف)
اعذروني ع الدخله بالموضوع عرض
ولاكن حبيت استفسر لانني حسيت الشعراء يقربون لديرتي كل الود ان كنتم من عويره فانا لي في عويره اجداد! انا شريف حمزي وجدي اسمه المنصور ان كنتم تعرفونه علموني او انتم له احفاد؟ وعذروني على الدخله وحسبوني حدى الجمهور |
| الساعة الآن 07:33 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
