بوح لنقد والاستفادهـ القحطاني السفياني البقمي والشعراء الباقيين لاهنتوا ابيكم هنا ^^
 

بسم الله الرحمن الرحيم

في بحور مشت معاي وفي بحور لا

كتبت ابيات اتمنى منكم نقدها للاستفادهـ من خبرتكم ونصايحكم بعتباري لا زلت في البدايه وتنقصني السن والخبره


الليل واشواقي الدفينه والهموم
واطراف ذاك الطيف الي يبدِ, لي

وافكار عاثت في هواجيسي تحوم
تبقى عصيه ليت بس لو تنجلي

كلها تخاويني عقب هجرك تقوم
(ا)بدور صاحب محزنه ماصارلي

صاحب وفي جاني عقب هجرك بيوم
صاير خليلي حسبته حسبة هلي

وانت بغايبك شفت طيفك بالنجوم
نجم(ن) بعيد(ن) كان دايم يضولي

يصرخ فؤادي وانا في طبعي كتوم
والحزن يخفى في وجه وصفه سلي

غيرت في قولي وبدلت العلوم
وانكرت حزني وكل همً داخلي

رد: بوح لنقد والاستفادهـ القحطاني السفياني البقمي والشعراء الباقيين لاهنتوا ابيكم هنا ^^
 

حياك الله اخوي بين اخوانك واخواتك

وصح السانك على الابيات الطيبه انت شاعر وابدعت ما عليها كلام

أنا والله وانا اخوك ما نيب ناقد لكن دام انك طلبتني ابشر باللي اقدر عليه

اعجبني بيتين
صاحب وفي جاني عقب هجرك بيوم
.................. صاير خليلي حسبته حسبت هلي

غيرت في قولي وبدلت العلوم
.................. وانكرت حزني وكل همن داخلي

( وانكرت حزني وكل همن داخلي ) فيها ثقل .. في كلمة .. وكل

نرجع من اول الابيات اللي يبدِ لي فيها ثقل خلل بالوزن .. البيت في الشطر الاول
توظيفه طيب والوزن طيب
البيت الثاني والثالث الوزن في الشطرين الاخريين ثقل .. اما التوظيف جيد

البيت الخامس الشطر الاول كايف .. الشطر الثاني دايم فيها ثقل اشوي

البيت السادس الشطر الاول طويل اشوي مع الشطر الثاني
لكن يبغاله توظيف احسن من كذى

اعذرني اخوي .. دامها للفايده البحر اللي وظفت عليها الابيات امش عليه بس انتبه للوزن
والتوظيف

الشعر بحر وفنون .. انا قدامك ما سلمت من النقد لكن النقد مطلوب

استمر وابدع والله يوفقك

رد: بوح لنقد والاستفادهـ القحطاني السفياني البقمي والشعراء الباقيين لاهنتوا ابيكم هنا ^^
 

اخوي الغالي وشاعرنا الغالي فهد البقمي الله يسعدك وصح بدنك وكلك واشكرك جزيل الشكر على ملاحظاتك الي اكيد راح اخذها بعين الاعتباار واستفيد منها
واتشرف بتواجدك يالغالي

سلمت ومشكور على حضورك وان شاء الله اطبق كل ملاحظاتك
لاهنت يا استاذي

رد: بوح لنقد والاستفادهـ القحطاني السفياني البقمي والشعراء الباقيين لاهنتوا ابيكم هنا ^^
 

اشكرك للدعوة وصح لسانك نص جميل للغاية

الخلل الوحيد الوزن .. اهتم بالوزن فالموهبة موجودة

اشكرك

رد: بوح لنقد والاستفادهـ القحطاني السفياني البقمي والشعراء الباقيين لاهنتوا ابيكم هنا ^^
 

اهلا وسهلا اوراق العنب
ابيات جميلة واحساس رائع
يشوبها بعض الخلل في الوزن ما بين زيادة احيانا ونقص
وكثير من الابيات موزونه ورهيبه

مع الوقت سيتم تلافي هذا وانا متاكد لان الاحساس جميل والشاعرية موجودة
ملاحضات اخي فهد في محلها

وانا اللي ابي منك القرائة لكثير من القصائد على اوزان مختلفة ولشعراء مختلفين
والااستماع للشيلات ومحاولة تلحين قصائدك ومعرفة مكمن الخلل
حتى يتم التعرف على التفرقة بين البيت الموزون والبيت الذي فيه خلل

ولامانع من الاطلاع على الكتب المهتم بدراسة الوزن والاستفادة منها

واهم شيء الاستمرار في الكتابة والمحاولة مرة واثنين وثلاثة وعشرة ومليون

ننتظر جديد بكل تاكيد وانا متاكد ان القادم احلى واحلى
وحياك الله مرة ثااانية وصح لسانك

تحياتي واحترامي

رد: بوح لنقد والاستفادهـ القحطاني السفياني البقمي والشعراء الباقيين لاهنتوا ابيكم هنا ^^
 

إن شاء الله مع الايام بتصير شاعر مميز بس شوي إهتمام بالوزن لحن أبياتك على لحن واحد وأنت ماشي
ربي يسعدك ومثل ما قال شاعرنا عليك بالقراءه بكثره لأن القراءه لعدة شعراء تنمي الموهبه وأنت لديك إحساس شاعر مميز تحياتي

رد: بوح لنقد والاستفادهـ القحطاني السفياني البقمي والشعراء الباقيين لاهنتوا ابيكم هنا ^^
 

انا جديده بالشعر بس بوجه نظري ...........
قصيده والله مافيها كلام .....
ابداع اخوي ابداع
حبيت اختار بيتين حلوين وتوهقت القصيده كلها حلوه
وماابي انقلها كلها ..........
تسلم اخوي على القصيده (صح الله لسانك)
نحن لك متابعين.

رد: بوح لنقد والاستفادهـ القحطاني السفياني البقمي والشعراء الباقيين لاهنتوا ابيكم هنا ^^
 

أبدعت يالغالي شاعر جميل

حاول في بداياتك تاخذ قافيه سهله ..

وماقصرو الاخوان في نقدهم

رد: بوح لنقد والاستفادهـ القحطاني السفياني البقمي والشعراء الباقيين لاهنتوا ابيكم هنا ^^
 

اشكرك اخوي الغالي على المداخله والنقد البناء وان شاء الله راح اكون عند حسن الظن

رد: بوح لنقد والاستفادهـ القحطاني السفياني البقمي والشعراء الباقيين لاهنتوا ابيكم هنا ^^
 

اخوي الغالي فهد الهباش كافي ووافي لبى كلك اشكرك على تواجدك وعلى نصائحك

وان شاء الله راح اقوم بكل ما اخبرتني ان اقوم به وراح اخذ ملاحظاتك بعين الاعتبار


صح بدنك وكلك ويسعدني تواجدك


ودي لك