الملتقى الجماهيري للشاعر محمد بن فطيس المري - اتلومني لاجيت كلي من اقصاي //ثامر شبيب

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

- - اتلومني لاجيت كلي من اقصاي //ثامر شبيب (http://www.m-f6es.com/vb/showthread.php?t=1111)

اتلومني لاجيت كلي من اقصاي //ثامر شبيب

لا تلومني لا جيت كلي من اقصاي \\\مافيه غيرك لا تضايقت جيتـه

جيتك ولا غـيرك ذكرتـه بمسـراي \\\جيتك وكل انسان غيرك نسيته

جيتك وانـا مـانـي بتايـه الـــراي\\\جيتك وانا مدري وش اللي بغيته

جيتك وقلبـي دقتـه تسبــق خطــاي \\\ جيتك اقول مفارقـك مـا قويتـه

وان مر يوم بالعمر منت وياي \\\ اشتاق لك شوق المسافر لبيته

مثل الهوى تحتاجه الناس والماي\\\يحتاج لك قلب(ن) هواك وهويته

انت الوحيد اللي يرد بسمة شفاي \\\ وانت الوحيد اللي بروحي فديته

دامك معي ما قصرت يوم دنياي \\\ دامي خذيتك وش بقى ما خذيته

وان كان تنشد بعد ليه انا جاي \\\ ابشر برد(ن) يقنعك لا قريته

جيت اعترف بالفرق يا آخر مناي \\\ بينك وبين اللي عشانك جفيته

اني ليا من جيت لك همك رضاي \\\ واني ليا من جيت له ما لقيته

لا تلومني لاجيت كلي من اقصاي \\\ مافيه غيرك لا تضايق جيته