الملتقى الجماهيري للشاعر محمد بن فطيس المري - وش فيه نور العين عن ناظري غاب .. شيلة صوتية

- الشعر و الشعراء (http://www.m-f6es.com/vb/forumdisplay.php?f=15)

- - وش فيه نور العين عن ناظري غاب .. شيلة صوتية (http://www.m-f6es.com/vb/showthread.php?t=10739)

وش فيه نور العين عن ناظري غاب .. شيلة صوتية

سلام عليكم

شخباركم؟

قصيدة جديدة لي يارب تعجبكم

يقول

وش فيه نور العين عن ناظري غاب؟
وانا الجفا بالله ويني ووينه
صد وجفاني دون مايبيّن اسباب
والروح من بعد المفارق حزينه
معقول يوعدني ثم يصير كذاب!
واقفى وقفت به ليالي سنينه
هل صدته زعلان؟ والا به عتاب؟
والا استلم راية جفانا بيدينه؟
والاظروف الوقت والوقت غلاب
صدت بوصل ن كلنا حافظينه
في ذمتي لو دونه من العنا باب
لا افك بابه وادخله لجل عينه
بس اني اضمن حبنا مابعد شاب
ويبشر بقلب ن منتشي به حنينه
يكفيني انه للمواصيل شباب
وانا حطب وصلي ينور مدينه
وان كان ما هو للمواصيل طلاب
بفارقه لو كان فرقاه شينه
ياما خسرت احباب واقراب واصحاب
وش عاد من ذب الوصل من يمينه
مجبور اخلي مبسم ن يقطع رقاب
متعود اخسر كل حاجه ثمينه

وسلامتكم

ب صوت رائد الحارثي

هنا

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

تقييمكم للقصيدة ونقدكم

والتمسوا العذر لنا فهو اول عمل من هندستي واول شيلة لصديقي رائد

اتمنى النقد الهادف

وكذلك ردودكم اكبر حافز لي وله

رائد