السماء مغدره والجو شيلوب بارد=والمطر منهمر والرعد زوّع جباله
دفني دفني من برد والذهن شارد= ياعمر بن عوض رمز الوفاء والبساله
برق رفّاف والمنشي على الراس جامد=خارعه والغوارب دحن ياطم حاله
جاشت الارض وانجاشت وماجت تكابد=تخمة السيل ياحيه وحيّا زلاله
لازب الطين بعد القحط والزرع واجد=والزهر نابته والمشر حوّف جواله
منة الله من لدنه له القلب عابد=احمده واشكره بالجود عزة جلاله
والبشر كلهم مابين راكع وساجد=راجي المغفره في الخير يسبح خياله
والذي ازّه الشيطان كابر وجاحد= واعتنى للفتن والشر مطلق عقاله
صدره الجمر ذي مرشون بين المراكد=والمحيّا يحاكي لون قاعة دلاله
ياعسى الكيد يفجر قلب من كان كايد=لاجهنم يرد مرفوض حتى سؤاله
والمحبين في الجنه لهم خير راغد=زين لعمال والايمان فيه الجماله
كلمة الصدق ختم القول والله شاهد= على اليمامه تحب الصدق تعشق مقاله

المشاركة الأصلية كتبت بواسطة شآسع المري (المشاركة 188779) اليمامه صح الله اللسانش وجزالتش حـآظره ولا فيها كلام وانتي غنيه من اشادتي على كل حال ولله اني معجب بالقصيده لان لايصخرها الى رجل من قصور في انوثتك

المشاركة الأصلية كتبت بواسطة غراااام نجد (المشاركة 188784) صح لساااانك قصيده جمييله .. لك ودي ...

المشاركة الأصلية كتبت بواسطة سعيد محمد القحطاني (المشاركة 188916) ياسلاااام ياسلااام صح الله لسانكِ ي اخت يمامه اختي الكريمه ي ليت تجيبين على سؤالي بعد ذنكِ انتي مو غريبه علي بس الله اعلم سبق وان جمعنا مراسله او منتدى ماني بحافظ الحدث انتي من جنوب ااسعوديه او اليمن بعد صح الله لسانك تحياتي وتقديري ان جبتي على سؤالي ولا أبيتي حياك ربي