الملتقى الجماهيري للشاعر محمد بن فطيس المري

لاوالله ارحل مابقى لك شـــبر قاع
شالـفايده دام الـــمراكب غريقـــه
لالاتقول النـــاس للناس قد ضاع
علم الصديق اللي ينومس صديقه

طالع يمينك وش كثر جرح الاوجاع
وطــالع يسارك للبحـــور العميقه
ومن قــــــال انا فزاع ماهوب فزاع
فزاع ابن مكتوم وهذي الحــقيقه

ومن يدعي بالطيب في هالزمن ضاع
المصلحه تســـبق وجيه الخليقه
تبغى الوفا اتعب ورى الرمل فالقاع
ماعاد تلقى للوفــــا جـــف ريقه
والمعذرة ماشــــــفت غير الالم شاع
بين الحنـــــــايا نار شبت حريقه
ومـن قال انا عنتر وانا فـــــارس شجاع
يضحك على العالم من اسباب ضيقه