الملتقى الجماهيري للشاعر محمد بن فطيس المري

- صوتيات وصور التراث (http://www.m-f6es.com/vb/forumdisplay.php?f=38)

- - كنت أحسب إني نسيتك ~ (http://www.m-f6es.com/vb/showthread.php?t=10213)

كنت أحسب إني نسيتك ~

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

من بعـد مـا كنـت أحسب إنّـي نسيتـك
مدري اش جابك على البال وذكرتـك ؟؟

ولا وعيـت إلاّ وانـا قـدّام بيتـك !!
ماتقول انّـي قبـل مـدة هجرتـك ؟!

ذا مكاني .. لاغفـى الليـل وسريتـك
شف ّ كم لي .. ما سريت ولا سهرتك؟

وذا مكانـك .. لا تضايقـت وجفيتـك
وشف ّ كم لك .. ماترجّيت وعذرتـك ؟

وذا مكـان قلوبنـا .. لحظـة هويتـك
فيه عمـري اختصرتـه واختصرتـك

واقف .. وكنّي مـن احزانـي بنيتـك
(جسر) .. مابين الزمانين وعبرتـك !!

آتذكّـر .. وش خذيـت ووش عطيتـك
يوم كنـت انقـاض وبحبـي عمرتـك

وآتذكّـر .. ساعـة انهـوك وبديـتـك
كيف بجروحي عن جروحي سترتك !!

وكيف بعت احلام عمـري واشتريتـك
وكيف كنت اشنع هزيمـة وانتصرتـك

وكيف كنت الملح ..لكنـي رويتـك !!
وكيف كنت الزيف .. لكني ذخرتـك !!

ادري اني جـد ّ.. مـن قلبـي بغيتـك
وادري انّي رغم كـل هـذا خسرتـك

انتظرتك .. ( عمر ) حتى اني لقيتـك
والقهر مدري على ويش .. انتظرتك

كنت احبك .. كنـت !! لكنـي سليتـك
ومـا بقـى سلمتـه الريـح ونثرتـك

وانـت لاا تزعـل اليـا منـي رثيتـك
بعد مـا خنـت وتوفيـت وقبرتـك !!

والله انـي .. لاحزنـت ولا بكيـتـك
مثـل مـا عمّرتـك بقلبـي دمـرتـك

بس تدري ليش عقب غيـاب جيتـك ؟
واهتدت رجلي على بيتـك وزرتـك؟؟

بشكرك .. على آخر طعونـك فديتـك
ليلة فراقك .. نسيت !! وما شكرتك !!

ان شاء الله تعجبكــم :)

رد: كنت أحسب إني نسيتك ~

رائع هذا الإنتقآء ،

ومميز هذا التنسيق ،،

ابيات جميلة ، تشكرين على نقلها ،،

تحياتي لك ،،

رد: كنت أحسب إني نسيتك ~

ابدددددعتي يارمق
في الإنتقاء وفي الكلمات وفي تنسيق الطرح
كلمات رائعة وجميلة لشاعر مبدع ومروض لحروف الشعر
تسلم يمينك على هـــــ الأبيات الجزلة
تحياااتي

رد: كنت أحسب إني نسيتك ~

رمَق

سيّدة الإبدآع والذوق ،،

اختيار مناسب وتنسيق انسب

لاعدمناك

لكِ تقييمي

رد: كنت أحسب إني نسيتك ~

رمــــق

وش هالانتقاء الرائـــع

وش اقتبس كل بيت
اروع من الثاني

بس والله هالاسئلة
اللي بداخل الابيات

جو ثاني ض35

اقتباس:

كيف بجروحي عن جروحي سترتك !!

وكيف بعت احلام عمـري واشتريتـك
وكيف كنت اشنع هزيمـة وانتصرتـك

وكيف كنت الملح ..لكنـي رويتـك !!
وكيف كنت الزيف .. لكني ذخرتـك !!

لآعدمنا جديدك

رعاك الله

رد: كنت أحسب إني نسيتك ~

أسعدنــي والله ..

مروركم .. لآهنتــم جميعآ

:)

رد: كنت أحسب إني نسيتك ~

تنسيق رائع ومميز
وموضوع جميل جدا
تقيمي

رد: كنت أحسب إني نسيتك ~

الله الله جارالله مبدع دوما" وعلى الجرح قسم
انتقاء مميـــــــــــــــــــــــــــــــــــــــــــــــ ـــــــز
اهنيك عليه
ودي وتقيمي

رد: كنت أحسب إني نسيتك ~

انتظرتك .. ( عمر ) حتى اني لقيتـك
والقهر مدري على ويش .. انتظرتك

ذائقه رائعه
اعجبتني مرررره

رد: كنت أحسب إني نسيتك ~

م ـبدعهـ ’

ب كل ماتعنيه هالكلمه من معآني ..~

بـ إنتظار جديدكـِ ,