هـلا يامرحبـا والقلـب لاسالـي ولاطربـان=ولكن لجـل عينـن تكـرم الدولـة واهاليهـا
رضينا مانقول إلا اللذي يرضيك يارحمان=إله الكون يعلم حاضر الهجـره وماضيهـا

عوافي وانت وافي والمحبه تجبر الانسان=ولكن سرها عل وعسى تطرب بتاليها
رضيت بما رضيت بطاعة المولى عظيم الشان=عساك تيمم الوجهه وتسريها ونسريها

على هذا بذلنا كل ما نملك من الوجـدان=رسائـل راقيـة مضموننـا يصحابنـا فيهـا
انا مدرك واقول السيل ما يأتي بلا هتان=ولكن رحمة الخلاق كـل النـاس ترجيهـا

صحيح اللي تقول وكلمةِ يرجح بها الميزان=يشذ من القواعد شي عنها مايباريها
فلا تامن سحاب الصيف سيله ياخذ العربان=ومن له عادةِ يابن العرب ماهو مخليها

على رسلك تذكر قبل وقت وسالف الازمـان=وهذا الوقـت فـي نعمـة كبيـرة عائشـن فيهـا
ومن لم يدرك الخطوة ولا يبني على سيسان=يــروح سالـفـة للـنـاس والـعـربـان تـرويـهـا

يوقفني كلامك وقفة اللي فارق الاوطان=يراجع ذكريات ايامه الحلوه ويبكيها
عسى ماخلاف والمكتوب يظهرلي من العنوان=اشر سلعة خليل الاحمدي قدام لاشريها

يشوق المغترب من ما فقد من صحةالابدان=عيونه ما تذوق النوم والاوجـاع تعميهـا
تبحر فالرسالة وافهم المكتوب ياخو افـلان=بعدها عامل التجار واعرف كيف تقضيهـا

الا منا رمينا اهدافنا مانخطي النيشان=وغيري يخطي الشاره ولو زانت مراميها
اذا سلمت تجارتكم وقايدها ابو سفيان=قليل اللي سلم من معركة بدر وضواحيها

تبورد وارم مذرع قبل لا ترما من الميدان=وتمسي مثل سلعة عند بايعها وشاريهـا
جميع الناس شافت كل ما قلته بلا برهان=علامك ماتؤكـد هقوتـك حتـى تعديهـا

وغيره ويش عندك وانت في الملعب وفوق حصان=نمشيها لجل عبدالعزيز اللي يراعيها
يقولوا عنك عبدالله رجل فاهم وسيع بطان=عساها ماتخيب الهقوه اللي فيك هاقيها

ثمار إقطاف هرج الشاعر اللي يحبك القيفان=يسج الفكر بالمضمون والعربـان يوفيهـا
تلوح ابروق وعيونك تشوف النار والدخان=تقهقر ناس واجد والموالـي فـي نواديهـا

ترى الله يمهل الطاغي الين يهدم الاركان=بعدها يخمد الفتنة ويهلك راس راعيها
يصيح المستغيث اليوم مايلقى معاه اعوان=له الله والنعم بالله عسى النصر بتواليها

ترى التاريخ ما يضلم ومهما صار مهما كان=يسجل ما مضى تبقى حقيقه عنـد قاريهـا
علومك مثل لوحة بينة فيها ثـلاث الـوان=وتلفت كل من شاف الرسوم اللي مسويهـا

عليها ساهرن مانام ليله جعله الطوفان=شرك بارزاق خلق الله شماليها وغربيها
لكن ياعودنا المذخور روح امرح ترى الشيبان=يعادون السهر بالليل لو هو مايعاديها