الملتقى الجماهيري للشاعر محمد بن فطيس المري

الملتقى الجماهيري للشاعر محمد بن فطيس المري (http://www.m-f6es.com/vb/index.php)
-   المـحاوره والعــرضــه (http://www.m-f6es.com/vb/forumdisplay.php?f=48)
-   -   محاورة بين الشاعر ردة السفياني وشاعر المليون عيضه السفياني (http://www.m-f6es.com/vb/showthread.php?t=24385)

عبدالله السفياني 02-02-2020 10:41 PM

محاورة بين الشاعر ردة السفياني وشاعر المليون عيضه السفياني
 
المحاورة بين الشاعرين
عيضه السفياني
ورده السفياني
بتاريخ 2/2/2020
......................................

الشاعر عيضه

ماني مسلم على حمر الطواقي والطرابيش
اللي تعدو علينا ياصناديد القبيله

انكان ردة محامي عن صعاليك المجاريش
والله ل احمل عليه المستحيله مستحيله

الشاعر رده

بشويش ياحامل الناقوس في يمناك بشويش
تمدح فصيله وتهجو في مقابلها فصيله

لو كان مافي الحجاز الا شيوخ ثقيف وقريش
هذاه يكفي ولاعندي على المقفي وسيله

الشاعرعيضه

من يرخي اذنه على كثر الدوادي والوشاويش
عزي لحاله.. يشوف الدايريه مستطيله

مادامت ( ابن محيا ) حافظ حقوق الحناتيش
وشلك ووش للسواليف القصيره والطويله

الشاعررده

قديش واحنا نقلك سم بالرحمن قديش
صدقت زايد وزايد فزعته ماهي جميله

بيني وبينك صداقه ماتخون الملح والعيش
وش فيك حولتها نكران في ليلة فضيله

الشاعرعيضه

( ياحر ) يابو الزنود المبرمة ( وابو الدناديش )
خلك في واديك لا تقلط مع اصحاب الفضيله

بيني وبينك يحولون السرابيت الحشاحيش
لين اخلفوا ملتك عني وهي ماهي قليله

الشاعر رده

لسان حالك يابو عساف وانته تذكر الطيش
ايام تزرع عنب صافي وتحصد زنجبيله

بيني وبينك على شان القريبين الدراويش
راس الجمل نعرف ماهو كما راس الحسيله

الشاعر عيضه

مانته ضبي يابن بديوي وفي راسك عراميش
انته مجرد مشاعر تطحن في كل ليله

حنا ثقيف الدهايا متعبين الخيل والجيش
م احنا من اللي يدسون الرذيله في الفضيله

الشاعررده

مع كل مغرب يابو عساف ياكثر الخفافيش
الشكل واحد وهي ياكثرها ماهي قليله

لكنها مثل ماقالوا خفيفه مالها ريش
مجرد ازعاج ياعيضه وهي تبقى ذليله

الشاعرعيضه

انته ليا دقت الساعة تروح مع المخاريش
واحنا نغطرف تحت ظل المراهيف الصقيله

ترى ابرق العين يقفلها معك بالبنج والشيش
ولا ابرق الريش ماتلحق مداه ولا حصيله

الشاعر رده

الساعه الاوله لفت عقاربها على ويش
لفت على نخلة القصار وش ذنب الفسيله

والساعه الثانيه لفت على كل الخرابيش
اللي رسمها عميل الخير في حضرة عميله

الشاعرعيضه

على محطات نايل سات في الارسال تشويش
ياليت زهران ماتدخل على وادي بجيله

ياليتني حاط في عقلك نقط شرطه وتفتيش
واوقف الفكرة اللي ولعت خشم الفتيله


الشاعر رده

ابسرق اجمل قصيده منك ياديوان درويش
اللي كتبها في جساس وكتبها في الجليله

وابجعل الهم خلفي والحق الايام واعيش
والسيل لاسال ياعيضه يشيل اللي يشيله


تنسيق/ معلا علي ابن حاسن


الساعة الآن 02:57 AM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69