الملتقى الجماهيري للشاعر محمد بن فطيس المري

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

- - استاهلك دمع ومطر (http://www.m-f6es.com/vb/showthread.php?t=2496)

استاهلك دمع ومطر

الصبح يستيقظ على ضحكة شفاك
...................و "الورد" يتفتّح علـى لمس أياديـك
خل المطر يتسلّف دمـوع عينـاك
...................ويروي عطش منهو عجز في تغليـك
شف كيف خلّيت السحاب يترجـاك
...................و شف كيف خلّيت المحانـي تناديـك
علّمتني لا غبت // ألملم بقاياك //
....................قلّي على الهجران .. ياهيه وشفيك !!
إليا بغيتك صدق مـا عاد أنا ألقاك
.....................و إليا لقيتـك قلت ماني بـ باغيـك
خليتني ما بين .. قربك .. و فرقاك
....................مدري وش اللي في حياتـك يهنيـك !
شفني بعد فرقاك .. أناجي هدايـاك
....................وأضحك على نفسي وأنا أقول بـ يجيك
و يجتاحني طيفك و أنا أقول له هاك
....................هـاك المشاعر .. خلّهـا رهن يدّيـك
و أقهوي طيوفك من أشواق لقيـاك
.....................و أضّحـك عيوني على شوف عينيـك
و أقوم أعدّد لـ المرايا .."مزايـاك"
.....................و ألمح عليها دمعتي .. //بين كفّيـك//
و أجر لك طاروق أنا كيف بـ أنساك
....................و يبح صوتي / .. حين يسـمع طواريك
و تقول لي يا متعب شفيك وش جاك
.....................و أقول لك يـاخي ولا شـي .. لبّيـك
يا سيّد الغيّاب / .. وش سكّة رضاك
....................علّمني أمشي سكّتك / .. ويش يرضيك!!
عكّزني بـ شوفك عسى عمري فداك
...................." مكسور أنا " .. ما دامني في حراويـك
ياخي [تعال] .. إن كان يا هيه يمداك
....................يمكن تجي بُكـره / .. ولا هو بـ يمديك
الموت ما يرحم / .. وإذا مت بـ يداك
.....................وش ينفعك تبكي / .. إذا مات مغليك !!

صح لسان شاعرها....

رد: استاهلك دمع ومطر

" سعودي وربي الله "
هلا والله وغلا
صح السانك

شفني بعد فرقاك .. أناجي هدايـاك
....................وأضحك على نفسي وأنا أقول بـ يجيك
و يجتاحني طيفك و أنا أقول له هاك
....................هـاك المشاعر .. خلّهـا رهن يدّيـك
و أقهوي طيوفك من أشواق لقيـاك
.....................و أضّحـك عيوني على شوف عينيـك
و أقوم أعدّد لـ المرايا .."مزايـاك"
.....................و ألمح عليها دمعتي .. //بين كفّيـك//

يعلم الله وبدون مجامله شئ رائع من شاعر قادم
وانشاءالله يكون القادم احلا واجمل
وللامانه بدايه موفقه
تقبل مروري

باذن الله سأكون من المتابعين الجيدين لك لثقتي بأن لديك قلم جميل وذائقه مختلفه عن الاخرين ارآه واضحا في ابياتك
وفقك الله

رد: استاهلك دمع ومطر

صح لسان شاعرها .. نص مفعم بالشاعريه .. ابداع ابداع ابداع ..

اترك التعليق للاخوان لأني مهما تكلمت لن اوفي القصيده حقها .. تحياتي لك

رد: استاهلك دمع ومطر

إليا بغيتك صدق مـا عاد أنا ألقاك
.....................و إليا لقيتـك قلت ماني بـ باغيـك

صح لسانك
وتسلم يمينك على هالقصيده الراائعه .

رد: استاهلك دمع ومطر

اولآ ياهلا وغلا بك ي سعودي

صح الله لسانك ولسان شاعرها

ثانيآ:

ابيات فيها

صور رآآآآآئعه

اهنيك على اختيار هذا النص