مراده بين شايب وعجوزه
 

مرادة بين العجوز وشايبها
كان في يوم من الايام في شايب وعجوزة مع مرور السنين قال أحد الابناء :شيريك يا بوي نزوجك ؟
فقال الشايب : تم – وخطبوله وحدة عندهم
ويوم علمت العجوز وقالت: تزوجون الشايب والشايب معاده بوجه زواج ، أبكم قدلي ثلاث سنين مدري وش انا محتزمة عليه ، قالوا المهم بنزوجة
هي شاعرة والعود شاعر وجابت فيه ابيات تبغى تعلم وشالي في الشايب من عذاريب
وقالت :
جملنا جملنا باركن له ثلاث سنين
وهو اللي لا جبناله الحمل ما شله
ما غيرالقتب والمزودة وسطها مدين
وهو باركن عجزان عن شيلها لله
وذا اليوم جبتوا حملتن وزنها طنين
وذا الحمل يالجواد ماهب قدله
ونصحته وقتله بالهون بالهون يا مسكين
هذا الحمل يبغاله جمال تشاهله
ماهب انت يالي جايبن فيدك من الصين
انا الي اعرفك زين يا بارد الدلة

العود كنه بغى يركب جهاز من الصين
ورد عليها الشايب:

جملكم ماهب مسكين يا جعلش السكين
جملكم يبي ينقل زهاب العرب كله
هو الي نفع كل العرب في الزمان الشين
لكن الجمل يأهل الجمل طاح في عله
وقع في رحولن طول ساقينها مترين
سخاف الجنوب ضلوعها كنها هله
حتى الجمل من شوفها صار حاله شين
وهي السبب في طيحته جعلها العله
لها ذيل نجرد وعمرها من ورى السبعين
وعز الله انها تمرض القلب وتعله
ولكن جيبوا بكرتن عمرها عشرين
تشوف الجمل لاجاب كلش على حله
الى عين الحمرا الردوم اشتغلها زين
وخله بعيدن من ام شاصين من حله
ان الله عطانا عمر وانتوا من الحيين
تشوف الجمل لو حمله طويق يشتله

وسلامتكم

رد: مراده بين شايب وعجوزه
 

وانتي سالمه وغانمه

الله يعطيكي الصحة والعافية على القصة الجميله

تقبلي مروري وشكري الجزيل لكي

دمتي بحفظ الله

رد: مراده بين شايب وعجوزه
 

صراحه القصة جميله جدآ

كنت اعرف ماتحتوي لكن لااعرف الابيات بالضبط

مشكورة يابنت الروقة

مميزة بطرحك

رد: مراده بين شايب وعجوزه
 

صباح الخير .. .. يا بنت الروقه .. للامانه شئ جميل ما قرأته .. ..

وان تبين الصدق .. .. من أول ما قريت القصه حتى آخرها وانا مره أبتسم ومره أضحك

بصراحه شوّقتينا .. .. لسماع المزيد من القصص .. والشعر .. والمزيد من الفائده .. ..

الله لا يهينك ولا يحرمنا جديدك .. .. تقبلي مروري حماك الله .. ..

رد: مراده بين شايب وعجوزه
 

بنووووووووتـــه تسلمي قلبي...
إنتي مبدعه بطرحك للقصص

رد: مراده بين شايب وعجوزه
 

رد: مراده بين شايب وعجوزه
 

رد: مراده بين شايب وعجوزه
 

يسلموووووووووووووو

رد: مراده بين شايب وعجوزه
 

ههههههههههههههههههه
تبيحوا سدهم ....
....
انا من عشاق هذا الفن رواية قصيده وسالفه وبالذات المسموع ولمحمد الشرهان

عيني فلا هلت يابنت الروقه

ناطرين الجديد ,,,

تشكرااااتي بحجم السماء ....

رد: مراده بين شايب وعجوزه