الملتقى الجماهيري للشاعر محمد بن فطيس المري

الملتقى الجماهيري للشاعر محمد بن فطيس المري (http://www.m-f6es.com/vb/index.php)
-   ( قسم الصوت والصدى ) (http://www.m-f6es.com/vb/forumdisplay.php?f=75)
-   -   يابن عبيد ضاق صدري وانا ضقت ,, (http://www.m-f6es.com/vb/showthread.php?t=15454)

خالد العبيريد 07-02-2012 10:53 PM

يابن عبيد ضاق صدري وانا ضقت ,,
 
بسم الله الرحمن الرحيم ,,

السلام عليكم ورحمة الله وبركاته ,,

اسعد الله جميع اوقاتكم بكل خير وكل سرور وسعادهـ ,,

اقدم لكم صوت وصدى بيني وبين الشاعر القدير حمزه عبيد العتيبي وهو بصراحه بيني وبينه اكثر من عشر قصايد مني ومنه وان شاء الله اقدر اذكرها ولانسى وانزلها وهذي مني له واتمنى ان تنال اعجابكم وتحوز على رضاكم ,,


يابن عبًيد ضاق صدري وانا ضقت=حتى فجوج الارض فالعين ضاقت
اساير الايام لاكن مارقت=وهموم قلبي والهواجس تلاقت
مشيت في درب الغرام وتوهقت=في من عليه الروح ياصاح شاقت
اغليه ولغيره فلا والله اشتقت=روحي فدا روحه ولو منه فاقت
انثر دموع الوجد لانني اغرقت=جفن العيون الي عن النوم واقت
ووجد ٍ على لاماه من همي احرقت=دم العروق الي لفرقاه حاقت
صبري قضى حده على كل ماغلقت=ونفسي بلاها الجور من بعد طاقت
اقفى وانا قفيت وبسري انطقت=لك ماخفى يوم التعابير باقت
بيني وبينه يافتى جاير الوقت=واقفت به الدنياء وللخير ساقت
اليوم يامشكاي ضاقت ولاطقت=ويمك بيوتي من ضميري تراقت
فدني برايك كان للراي وفقت=والا اترك الموضوع لن كان ضاقت

المردود من ابو عبدالله ,,
قاف ٍ لافاني يشغل البال لارقت=وضلوع صدري من صدى القاف ضاقت
انا ليا منه شكى صاحبي ذقت=كاس المراره والهجوس استفاقت
واصاحبي لامن شكى ماتعلقت=ساقي على ساقه ولو كان عاقت
لو كان بي مابه على حاله اشفقت=ونسيت نفسي لو من السم ذاقت
بس الوكاد اني لدعواك نسقت=واخذ الحلول الي على البال راقت
اما اتركه لله وادرنك حققت=ارضاه وعن الهم نفسك تواقت
والا ليا نت شفت دربك وبرقت=انا بمجهودي وما الكف حاقت
هاذي علومي والعذر كاني اخفقت=حاذي حلولي كان رضاك لاقت


وسلامة نواظركم وقلوبكم .

فراشة 07-02-2012 11:27 PM

رد: يابن عبيد ضاق صدري وانا ضقت ,,
 
صبري قضى حده على كل ما غلقت ..
ونفسي بلاها الجور من بعد طاقت ..

..
والله أنك جبتها على الجـرح .. صح لسانكـ ولاهنت ..
ولاهان حمزة العتيبي ..

عامر صالح ال شنيف 07-02-2012 11:32 PM

رد: يابن عبيد ضاق صدري وانا ضقت ,,
 
ابو سهيل حيااك الله وارحب
اولا تروح وتجينا سالم ومعافى من كل بااس
والله يسير عليك عنا السفر ومشاقة وحنا معك بدعواتنا في ظهر الغيب

وثانيا
صح صح صح الله الساانك والسان حمزة العتيبي
صوت وصدى والمشكى على الله
فلله دركم من شعراء
تقبل مروري المتواااضع اخوك الصغير عاامر

خالد العبيريد 07-02-2012 11:34 PM

رد: يابن عبيد ضاق صدري وانا ضقت ,,
 
هلا فراشه حيااك الله ,,

صح الله قلبك وطاب جرحك ولاهنتي على حضورك المضئ وتعليقك بارك الله فيك ,,

كل تقديري وشكري لك ودمتي على خير .

خالد العبيريد 07-02-2012 11:35 PM

رد: يابن عبيد ضاق صدري وانا ضقت ,,
 
اررحب يالشنيف عامر حيااك الله ,,

الله يسهل علينا وعليك وعلى كل مسسلم والله يكتب للجميع الي فيه خير ,,

صح الله بدنك وصح قلبك وكلك ولاهنت ياغالي على حضورك وتعليقك بارك الله فيك ,,

تقديري وشكري لك وخالص تحيااتي .

شوق الدوسري 07-02-2012 11:39 PM

رد: يابن عبيد ضاق صدري وانا ضقت ,,
 
اسايـر الايـام لاكـن مـارقـت وهموم قلبي والهواجـس تلاقـت
..
لافض فووك..!
كل بيت آحلى من الثاني..!
آبدآع..صح لسآنك..!

سحابة الطائف 07-02-2012 11:47 PM

رد: يابن عبيد ضاق صدري وانا ضقت ,,
 
مشيـت فــي درب الـغـرام وتوهـقـت ,,,,,في من عليه الـروح ياصـاح شاقـت

قصيده رائعه ابيات وجدانيه وشفافه
اسرت القلوووب ولامست شغاف الروووح
صح لسانك العبيريد
ولاهان خويك رده بالصمييييم

خالد العبيريد 07-02-2012 11:55 PM

رد: يابن عبيد ضاق صدري وانا ضقت ,,
 
مرحبا ياشوق حياك الله ,,

صح قلبك وكلك ولاهنتي على حضورك وتعليقك ,,

الشكر لك والتقدير .

خالد العبيريد 07-02-2012 11:55 PM

رد: يابن عبيد ضاق صدري وانا ضقت ,,
 
هلا سحابة حياك الله ,,

صح الله بدنك وقلبك ولاهنتي على حضورك وتعليقك بارك الله فيك ,,

شكري وتقديري لك .

ثورة الزير 07-03-2012 12:12 AM

رد: يابن عبيد ضاق صدري وانا ضقت ,,
 
صح السانك والسانه

للامانة صوت وصدى غني بالجزاله والروعة

تستحق التقييم

أختك
ثورة الزير


الساعة الآن 05:48 PM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69