|
رعاك الله يـاعيـني ونـامي ,,
رعـاك الله يـاعـيـنـي ونــامـي=كـثـير السهـر مـاحقق مـرامي مـضـى عامين معها عالم ثالث=وكـن الـيـوم في مـافات عامي أحسب الـثـانيه قبـل الـدقـيقـه=وكن الجمر وسط الصدر حامي كـفـايه مـانـفـع سـهر اللـيـالـي=وحالي صـار من جلد وعظامي وأنا ادري وش هواك وش بغيتي=وثـبـت نـيـتي وأثـبـت كـلامـي تبين الي صورهم فـي خـيـالـي=هل أفعال ٍ ضيأك عن الظلامـي تـبـيـن الـي لـهـم بـالــعـز رايــه=تبين أهل الشهامه والمقـامي تبين أهـل البـيـوت الـي بـنـوهـا=بـجـود وطيب وبـكـل أحترامـي تبـيـن الـي يــفـكـون الـنـشـايـب=تبيـن الـي يـضـدون الزحـامـي تبيـن الـي تـحـت ركـز النـصـايـب=تبين الي مضو مثل الحلامـي صعيب الـي رحل يـاعـيـن يرجـع=مدام أن القدر عجل السهامي وأنـا مـالـي عـلـى الأقـدار حيـلـه=هذى مكتوب من رب الأنامـي خذي عـبره من الأجـيـال وأرضي=فنـو مـاباقي ٍ غـير الأسـامـي ولاكـن أقـنـعـي يــاعــيــن بــالله=وغضي بالصبر وأرضي ونامي وسـلامـة نـواظركم ,, خـالـد الـعتـيبـي . |
رد: رعاك الله يـاعيـني ونـامي ,,
خالد العتيبي صح لسانك اخوي
شاعر مافيك حيله مشالله عليك تجيد البحر هذا بإتقان اخوي ذكرتني خالد محمد العتيبي الله يذكره بالخير منقطع منه من مده بعد البروز الاعلامي تقطعت السبل بيني وبينه أسف على الشطوح عت الموضوع تقبل تحيات اخوك سعيد القحطاني والاهنت ي بطل |
رد: رعاك الله يـاعيـني ونـامي ,,
اقتباس:
حياك الله سعيد ,, صح الله بدنك ولاهنت على الحضور المضئ ,, وخالد محمد الله يستر عليه وابشررك بخير عسى الخير فالك ,, مصير الحي يتواجه كان ربي كتب ,, خالص تحياتي وتقديري لك . |
رد: رعاك الله يـاعيـني ونـامي ,,
رعـاك الله ياعينـي ونـامـي كثير السهـر ماحقـق مرامـي مضى عامين معها عالم ثالـث وكن اليوم في مافـات عامـي أحسب الثانيـه قبـل الدقيقـه وكن الجمر وسط الصدر حامي خالد والله ونعم فيك والله انك صادق اخوي جعلك تسلم ومافيك حيله لاهنت يالنوماس وصح الله لسانك وسلمت من كل مكروه احلا تقييم++ |
رد: رعاك الله يـاعيـني ونـامي ,,
الله الله ترانيمالإبداع يجبر على المتابعه هنا وجدت شعرا لا زلت أردد لا زال الشعر بخير تحياتي وتقديري |
رد: رعاك الله يـاعيـني ونـامي ,,
الله الله الله ياخالد انت مميز للامانه
شاعر تملك حرف من ذهب اشكرك واقدر هذا العطا صح الله لسانك مليون ولا يكفون والله لايهينك ياخالد ض29 |
رد: رعاك الله يـاعيـني ونـامي ,,
جميعا ً حيـاكم الله ,,
صح الله ابدانكم وقلوووبكم ولاهنتم على الحضوور المضئ ولاخلا ولاعدم ,, لكم خالص الشكر والتقدير جميعا ً . |
رد: رعاك الله يـاعيـني ونـامي ,,
ما شاء الله عليك يالخوي
مبدع ومافيك حيلة صح لسانك حتى ترضى يا شاعرنا تحياتي يالغالي |
رد: رعاك الله يـاعيـني ونـامي ,,
صعيب الي رحل ياعين يرجـع مدام أن القدر عجل السهامـي وأنا مالي على الأقـدار حيلـه هذى مكتوب من رب الأنامـي الله .. الله صح لسآنك ملآيين ي العتيبي كلمــه رآئعه قليله عليهــا لآهنت .. ع هالجزله |
رد: رعاك الله يـاعيـني ونـامي ,,
حياك الله فهد الهباش ,,
صح الله بدنك وكلك ولاهنت على الحضوور المضئ ياغالي ,, خالص تحياتي لك وكل الشكر . |
| الساعة الآن 09:08 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
