لو يجرح البعد حس اغـلا محبينـي=فانا لذكراه داخل مهجتـي ..حاكـر
لو يقطع الوقت حبل الوصل بيدينـي=ابقى لما فات لو هو قد مضى ..شاكر
امـا بواسيـه والا انـه يواسيـنـي=ما للوفا فـي بقايـا هالزمـن ذاكـر
قمت اتحسّف على الماضي من اسنيني=حسايف اللي صنع معروف في ناكر
ما تضمحل الجبال الشم فـي عينـي=لو يحتجب حجمها في عجّها الساكـر
لو تنحني لللعواصف دوم وتلينـي؟؟=ما كان هي للجوارح روسها ...ماكر
واللوول يلمع ويغري شكلـه الزينـي=ما ضره انه يعيش ابـبحره العاكـر
ما اظن به شي في ذالوقـت ينسينـي=مافيه يـوم ٍ جديـد الا وانـا فاكـر
ان اقبل الصبح قلت الليـل يمدينـي=وان اقبل الليل قلت ان الفـرج باكـر