|
( الصارم + سنجار المري )
سلام تسليمةً فيها شذا من عود كمبود
من شجرةً ساسها هندي ومطلعها سعودي مره بداوي وكم من مرةً بجرح لي كبود أقرب ياسنجار ومافاتك ترا ماهو يعودي |
رد: اقرب ياسنجار
ابشر برد ولو انه مخالف قوانين المنتدي لانك بدون اسم صريح او اسم قبيله
يامرحبابك يالمســـــلم وانا حاضر وموجود ** طٍيبهم من طيبك ترا صاحبك يرقي سنودي يا صارم الاجواد ويش فيك ضايق كنْك مكبود ** مانعرفك ياصاـــــحبي وانتبه تقرب حدودي |
رد: اقرب ياسنجار
خلوووهاااا
نرجي الفرج ياوسيع المعرفه من عند معبود * بامره تِـجَد الفيافي من تحنحان الرعودي ياما بَعدنا المغازي والجوازي دونها نبود كم من عقيدٍ نحذفه من على شد القعودي |
رد: اقرب ياسنجار
اعتقد عرفت القبيله من البيت الثاني
لكن انت مالك عذر تجيب غير القافيه والدعوا مهيب جبريه ياسنجار ان قدرت ترد ولا الوضع عادي |
رد: اقرب ياسنجار
انا سنـــــجار وانت ياصاحبي عبود عبود ** صحصح مع اهل المعرفه وانتبه منت برقودي
ياما هبد الــــــخصم جملها وانا مثل هبود ** ماهمنا والعود ياخوك في عين الحســــــــــــودي |
رد: اقرب ياسنجار
اللي ودك لاكن انا ملعب لا مباشر علشان اللعب يغدي له طراه اذا في خاطرك طاروق حدد الوقت علشان نلعب مباشر انشاء الله
اما القافيه منتبهت وابشر بالعوض انشاء الله |
رد: اقرب ياسنجار
مهوب عذر تقول مانتبهت للقافيه (بود-عودي)
ليه تجهل القلطه وفنونها اضف على ذالك ان بيوتك مهيب على الوزن المطلوب ترا ماهو عيب ان الواحد مايقدر يرد !! اظاهر اني اخترت الشخص الخطا؟؟ |
رد: اقرب ياسنجار
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
هذا الربط اما الوزن وبابته والحمدلله غني عن التعريف اما انك اخترت الشخص هذي مشكلتك علي كل صح السانك وبيض الله وجهك |
رد: اقرب ياسنجار
اول شي حنا ماقلنا في شخصك الكريم شي
والثانيه ووجهك ابيض لكن انت تعذرت ان اسمي انه مهوب صريح مع العلم انك محاور قبلي (كان)وغيره ولا قلنا ماشي والعذر الثاني قلت مانتبهت للقافيه طيب عجل وش تبيني اسويلك ارد بدالك !!! بالنسبه للحن مهوب ذا انت حتا محاورتك اللي نقلتها ما يمشي لحنها مع ابياتك اما بالنسبه لـ لحن بيوتي فانا ماعندي خلفيه عن تنزيل مقاطع لكن اكتب باليوتيوب محاوره مصلح بن عياد مع علي الدعيه في شاعر المعنى ختام الكلام مرحبابك ومسهلا ابن عم ولا انت برخيص ،،،،، |
رد: اقرب ياسنجار
علي العموم هذا البحر اللي لاعبت عليه اكيد بيكون نفس البحر يمكن انك ماقدرت تقرا البيتي صح وكلنا بشر نحطي ونصيب
اما كان معروف لدى المنتدي بسمه الصريح وانا والله ماني راعي المنتدي لانهم اذا لقوا محاوره غير معروف صاحبها يشلون الطاروق وهذا حصل معي فالبدايه مرحبا يالغالي ماتشوف شر |
| الساعة الآن 02:54 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
