زماني حط لي فالدرب شوك=غدوا به كل هالعالـم سـوا

كثيرين الـدوادي والشكـوك=بعضهـم علـة ٍ مالـه دوا

اذا ما للرجل حنكـه وحـوك=على كل المراجل مـا حـوا

واذا مالمرجله طبع وسلوك؟=ترى منهـو تعلبشهـا هـوا

وهي محد ٍ عليها له صكوك=علـى ماقيـل كـل ومانـوا

ترى كوبان لو يملك لكـوك=على الجودات قلبـه ماقـوا

لو انه يافتـى يملـك بنـوك=رفيق المصلحه قل لـه لـوا

يحطّك مثل خـزان المكـوك=الى فضاه قطه فـي الهـوا

دعس طيبك وحطه (هيدروك)=وغصن المعرفـه بيـده ذوا

اذا اللي قبلنا مـا علمـوك؟=مثل من جا وصـدّر مـا روا

ونكرانك جميل اللي هـدوك=مثل من جوّد الصقر وشـوا

وسجّ وهج عن من هم نسوك=ترى من يتبع المقفي غـوا

وخلك ساعة الشـده لخـوك=اذا ذيب ٍ عـوا للـي عـوا

وضيفانك الى منهـم لفـوك=تقدّرهم على أحسن مستـوا

ولاتبلش رجـال ٍ مانصـوك=ترى مافيه جـوع ولا خـوا

وعش في عزتك عيشة ملوك=وتواضع كل مازدت ارهـوا

واذا مالمرجله طبع وسلـوك .......ترى منهـوتعلبشها هـوا.

ابدأأأأع في تصويرالوصول لافعال المرجله في كلمه ( تعلبشها) كلمه تدل على الصعوبه والمشقه في الصعود .


صح لساأأأأنك يالعــوود ....وهذا الشبل من ذاك الاسد .



لاهنت يابو مشاري ....لاعدمناك .