الملتقى الجماهيري للشاعر محمد بن فطيس المري

الملتقى الجماهيري للشاعر محمد بن فطيس المري (http://www.m-f6es.com/vb/index.php)
-   ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)
-   -   تواضع الرجال (http://www.m-f6es.com/vb/showthread.php?t=24279)

سااهر 02-10-2018 11:35 PM

تواضع الرجال
 
التواضع سمة من السمات الرفيعة في الانسان.. والرحمة صفة من اعظم ما جبل الله نفس الانسان عليه.. والكرم خصلة حميدة وخلق كريم.. والصاحب المخلص عملة نادرة.. لكنه موجود.. وهذه القصيدة محاولة للاشارة الى هذه المعاني الكبيرة:



احد يعيش اليوم ويعش غده
واحد يعيش اليوم والغد ينساه


وبعض الرجال برايها مستبدة
طبعه كذا ما ياخذ الا بفتواه

وجسر التواضع عند قدرتك مده
تواضع الرجال يسوا عطاياه

وباب يجي من صوبه الشر سده
ولا تاخذ الجاهل من اول خطاياه

وان جا الضعيف لحاجة لاتصده
الله يستر خلتك يوم تراعاه

وكم من ضعيف تاقف الناس ضده
لو غيره المخطي تلومه وتشناه

وكم من يتيم دمعته فوق خده
مع قسوة الايام تجفاه دنياه

وين الرحيم اللي له يمد يده
حتى عظيم العرش بالخير يجزاه

وكم من فقير شدة الفقر هده
الفقر في داره ينوخ مطاياه

وين الكريم اللي بجوده يمده
في ساعة ما هي خفية على الله

واما البخيل لمثلها لا تعده
ترى الردى سجية من سجاياه

واليا جفاك الصاحب اللي توده
دور على اسباب الجفا قبل تجفاه

وان صد عنك وبان عزمه وجده
اصبر عليه الين يظهر خفاياه

ولو شد حبل مفارقك لا تشده
حتى تعرف السر وتخوض في ماه

ولو يتمادا فالجفا لا تحده
على الردى وتسير فيه انت واياه

وان جاك يبغى المعذرة لا ترده
الطيب مال, تحفظه ثم تلقاه
.
.
-

#شعر

فالح عويض الميموني
.
.
.


الساعة الآن 06:25 PM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69