اسهج به فياض(ن) واعدي مراقيب
 

الرياض : نت
-----------



.

الشعر هاجس الشعراء ومتنفسهم للتعبير عن مكنونات النفس وهو وسيلة التواصل فيما بينهم والمساجلات بين الشعراء تعددت اغراضها فمنها ابراز قدرة الشاعر ومنها الغزل والفكاهة والحنين ومنها الاخوانيات ، كما دار بين الشاعر فالح فهد السبيعي والشاعر صقر الروق السبيعي






[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


الصوت: للشاعر فالح فهد السبيعي


قدلي شهر ودى على سجة الجيب
ودي أسوقه سوق وابدع مصده
اسهج به فياض(ن) واعدي مراقيب
واللي برأسي والله اني ما ورده
مع خوة الصاحب عطيب المضاريب
الصاحب الوافي وقولي اعده
صقر ليامنه عوا الذيب للذيب
محزم ضفر لا صار بالوقت شده
يا محلا والشمس في حزة مغيب





شوف السحاب اللي بعينك تلده
نون من المنشا غداله عقاريب
برقه حقوق وراعده فيه حده
والنار مشبوبه وتصلا المراكيب
وبالدله الرسلان كيفن نعده
هذا هوا بالي بكل الماطليب
حتى لو انها سهلتن مجرهره
وصلاة ربي عد فعل المواجيب
على النبي واعداد جزره ومده



[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


الصدى: للشاعر صقر الروق السبيعي


سر يا قلم واكتب جديد المكاتيب
وارسل سلامي يم فالح وبده
الطيب اللي ما تجيه العذاريب
من روس ربعن كل عايل تضده
ما هوب هلباجن يبيح ابسده
نعم ابخويي ما مشى سكة العيب
ولا هوب من راسه يروم المخده
أنا أشهد انه غير كل الاصاحيب
اذراع يمنى من ظروفه تشده
وأنا معه باليسر والعسر ما هيب
نظرب جراهيد الديار المصده
فالح معه جيب(ن) وانا موتري جيب
ولا شريناهن نريد المكده
نبي اليا شفنا المزون المراهيب
امحمله على المطر مستعده
وهلت مطرها فوق حمر العراقيب
همال غيثن كل حي(ن) يوده
نجيلها والعمر تاليه تغريب
والآدمي مصير قبره مرده