الملتقى الجماهيري للشاعر محمد بن فطيس المري

الملتقى الجماهيري للشاعر محمد بن فطيس المري (http://www.m-f6es.com/vb/index.php)
-   المـحاوره والعــرضــه (http://www.m-f6es.com/vb/forumdisplay.php?f=48)
-   -   محاورة بين الشاعر سامي السفياني والشيخ عبدالله بن جملا (http://www.m-f6es.com/vb/showthread.php?t=22872)

عبدالله السفياني 10-24-2015 11:21 PM

محاورة بين الشاعر سامي السفياني والشيخ عبدالله بن جملا
 
سامي
دوروا غواص ينزل بها ف الغبه
البحور أعماقها ماتشوف أعلاها
دام ابو سفيان يصدم بها في الصبه
سلموه اكتاف يرزم بها علباها

الشيخ عبدالله
انظم السبحة على مهل حبه حبه
والسلام ختام تدرون ويش اتلاها
ودي اجبر صاحبي لين يعرف ربه
مد نص الكف وارتاح واخذ ملأها

سامي السفياني
انت وشبك يوم دردبتها دردبه
منهو المنشود عن كبدها وكلاها
دام ابو مسحاه يدفن لبو مرزبه
العرب لاتدفن اللي في سد لحاها

الشيخ عبدالله بن جملا
ليش تبني على قبر المشاكل قبه
وان طعَّمت الحنظله قلت يامحلاها
سنة المفتاح تقدر تفك الضبه
يوم تحدى للمجاهيم في مفلاها

سامي السفياني
قبة الأجواد من حالها منكبه
مانصيناها بدعوه ولا زرناها
البنادم يكره الحق قبل يحبه
قسمةٍ من مثلها يرتجف شرواها

الشيخ عبدالله بن جملا
طيح يابن الذيب في الدرب ولا ذبه
جثةٍ ماودك الا تلم اشلاها
فيه رجلٍ مايباني وانا معجبه
وانت نور وظلمة الليل ماتجلاها

سامي السفياني
راسك اللي قاشعه للهبوب تهبه
ماهو أرخص روس ربعي ولاهو أغلاها
خالط البنزين والقاز وسط وسط الدبه
كلما اوحى كلمةٍ قال وش معناها

الشيخ عبدالله بن جملا
الطوارق تحقنه والطروق تصبه
والعيون الحول تخطي ولا نسلاها
ياعرب جرح الزمن ماعرفنا طبه
والفتن من شب نار الفتن يصلاها

سامي السفياني
سيفنا في عضودنا مانبي نضربه
وان وصل حد الرقاب الطفاه ادماها

ماجد الشيباني 10-25-2015 02:16 AM

رد: محاورة بين الشاعر سامي السفياني والشيخ عبدالله بن جملا
 
تسلم يمينك ااخوي عبدالله على ــــ النقل المميز والجزل
ودي

موطن الابداع 12-03-2015 10:45 AM

رد: محاورة بين الشاعر سامي السفياني والشيخ عبدالله بن جملا
 
صحت السنتهم والله
لكن ودي اسالك هؤلاءالشعراء لماذا مغيبين عن الاعلام
والله ان الساحه قل انت تجد فيها مثل هذه المحاورات اذا كانت ميدانيه وايست في مواقع التواصل الاجتماعي لان محاورات الميدان تختلف كليا عن المحاورات اللتي تتم على مواقع التواصل الاجتماعي وانت ناقد وشاعر يعني استاذ وانا والله استفيد من شرواك لان ذائقتك تدل على انسان واعي ومدرك اشكرك على نقلك


الساعة الآن 12:01 PM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69