شكـــوايّ لله .. ..
 

شـكـواي لـلـه ما لغـيره شـكــاويّ
هذا ولا لي غير مــــولاي معبـــود
يـارب انـا في ظـل خـيـرك غــناويّ
لا جاحدٍ فضـــلك ولا منكرٍ جــــود
وقـفـت في بـابـك ذلـيلٍ وغـــاويّ
وانت الكريم ومن ترجــاك موعـــود
إدمـح خطـاي وزلتـي بالـخـطــاويّ
ينزاح عني هــــم الايــــام والكود
انـا جـيـتك يا مـجـيـب الـرجــاويّ
يامصرّف الاقـــدار والنقص والـــزود
تذهل الى فكيت بــاب الـعـطـــاويّ
شانك عظيم وشـان الاجـواد محــدود
تـعـطـي ولا تـثـقـل عليك المـناويّ
انــت الذي بحـرك غزيرٍ وممـــدود
يـارب انا مـا نـيب كـانـز وحـــاويّ
ولا رجـدت المـال في البنــك مرصـود
انـا طلـبـتـك لـلضعيـف السحــاويّ
اللي الى جـاء خــالي الـيد مـــحدود
وإلا لـمـديونََ دهـتـه الــدعــاويّ
غـارم وفي سجنه من سـنين مقــيود
وإلا عـجـوزٍ مالـها مـن يـــداويّ
جـرح الزمان ودمـعها شقـق خــدود
إلا مـريــض عـارضـتـه الـبـلاويّ
ضاقت به الدنيا مـواعيد ووعـــــود
وإلا عـــزيـزٍ ذلْ عقـب الـهـقـاويّ
يمشي مــع العالــم ذليـلٍ ومضهــود
وإلا خـوي لـي نـخـيـته فــــداويّ
إلى زهمتـه قــام بالعلــم ويـــزود
حــنـا عـبـيـدك وانت قادر وقــاويّ
خيــرك عميـم ومن فضل جـودك نجــود
يــارب انـا لـي نــفس حـر نــداويّ
ماترغب إلا المنزل الشــاهق الطـــود
وانت ااــذي تـطفي ظـما كــل ذاويّ
وانت الذي لو تمنــع الغيث محمــــود
في لمح طرفة عـين تفقر غــــناويّ
وفي لمح طرفة عــين تغني لك بـدود
حـياض غـيرك صـبر والـصبر زاويّ
وانت الذي حوضــك زلالٍ وقرهــود
ومـدات غــيـرك ذل والـذل كـاويّ
وإلا انت ذلّك عــز يااعز مصــمود
لـك الـثنا والـحمد ظـامـي وراويّ
ما حنت الورقـا على غصـون فــنود





[youtube]http://www.youtube.com/watch?v=L7jo0U9bTn4&feature=related[/youtube]




















الامير .. خالد بن سعود الكبير ..

رد: شكـــوايّ لله .. ..
 

ونعم بالله ,,,

لاهنتي يابنت شمر

رد: شكـــوايّ لله .. ..
 

مبدعه مبدعه بكل ماتقدمينه
ذوووق رائع

تسلمي ياغناتي
لقلبك الطاهر شذى من ورودي

رد: شكـــوايّ لله .. ..
 

فراشة ...لاهنت ياذووق فديتك غلاتي تسلم يمينك والله

رد: شكـــوايّ لله .. ..
 

رد: شكـــوايّ لله .. ..
 

تذهل الى فكيت بــاب الـعـطـــاويّ
شانك عظيم وشـان الاجـواد محــدود

آي والله
صح لسآن آلآمير
ولاهنتي فرآشه ض44

رد: شكـــوايّ لله .. ..
 

رد: شكـــوايّ لله .. ..
 

تسلم يمينك يالفراشه على هــــــ الطرح
دوم مبدعه في إختارك
ولاهنتي

رد: شكـــوايّ لله .. ..
 

مجــــازف
والنعم بـــ حالك .. ولاهان راسكـ أخويّ .. كل الفخر بــ حضوركـ

..

عاليـــة
يّ حيّ هــ النبأ .. الابداع من سموكـ ما خذتـة .. منوورة

..

فــــــــــلو
حياتس يّ عينيّ .. الذوق منك وفيك يّ سوكرة ..منوورة

..

غـــزلان
حياتس .. ويسلم قلبك .. منوورة عنونيّ

..

قايدة الــــريم
حياتس الله يّ عينيّ .. ولاهان مغليك ..منورة

..

سعيد القحطــانيّ
الله حيوه ..تسلم طال عمرك ..
تروح وترجع بــ السلامة انت ومن غايب والله يحفظكم

..

ماجـــد الشيبانيّ
ومن قال سالم طال عمركـ .. ولاهان غاليك .. منور

رد: شكـــوايّ لله .. ..
 

الفراااشة
يااا هلا وغلا فيك وصح الله السان الأمير
وصحت انانك ولاهنتي
تقبلي مروري