|
بالله انتم شاعر ؟؟ ماضني
بسم الله الرحمن الرحيم السلام عليكم ورحمة الله وبركاته هذه القصيده موجهه لسوريـا ,, وانا اتحمل كل عواقبها ولاكني اطلب من الشاعر اللي يقول اني شاعر يحرك قلمه ولا يسكت شفتو الاوضاع اللي صايره من المجرم بشار هذي اول قصيده مني انا واتمنى الشاعر اللي ينقال له شاعر راع المواقف ,, يهزه الموقف ذا واذا ما هزه الموقف مثل الموقف ذا ,, اقول على العروبه سلاما شاعر غزل شاعر مقانيص شاعر ... شاعر وشاعر لا وشاعر مشاعر شاعـر على قافــك جزيلن وصاعر ... تنقــى جــزيله دايمــن به فليحي مـــن قـال بنــك شاعرن يا جزيلي ... او دايــمــن فعلك بشعــرك جميلي لا لا وربــــي فــي بيـــوتك هزيلي ... ياكيف مـــا تفزع وحــره تصيحي يا ســـوريا ربـــي معـــاك وخفوقي ... لابــــد ميغيــب الضـــلام وتروقي ويعود فرحك في جمـــال الشروقي ... ويطيب من جرحه كسيرن جريحي بشـــار يــــومـــه دانيـــن لا محاله ... ميــــدوم لـه ايـــــــران لــــوه بقاله فاله شقــــى ويــــران ينهــى سلاله ... هـــذا كلامـــي والكـلام الصحيحي ملعـــون خايس مــــال ميــل الكلابه ... والكلـب فـــي طبعـه وطبعه زلابه والكلب مـوته مــــن شعـــوب الذيابه ... ميفيد لــــه قـــوه وكثــــر النبيحي يا ســـــوريا بيــــروح عنـــك سلاما ... بيـــــروح عنك لا ويذهــب عداما يـومه دنــــى قـــرب علـــي الحراما ... يا ســوريا قــرب وقــرب يصيحي وسلامتكم (( اللهم يارب انصر سوريـا نصراً مريحاً لها والى شعبها )) |
رد: بالله انتم شاعر ؟؟ ماضني
صح شعورك وصح لسانك يا يحيى
حي القصيد إللي نهض من فيض سجات الشعور وحي الشعور إللي أحتدم من ثار وأعلن للكفاح ماني خلي من هم (شام المجد) وعروقي تفور حزمّت قافي واعتصم قلبي وحيا للفلاح للأبيات بقية إلى هناك دمت بود |
رد: بالله انتم شاعر ؟؟ ماضني
حياك الله يابو احمد ,,
صح الله لسانك ولاهنت وخبري بك شاعر تعالج الامور بنظمك ولن اتطرق للسياسه او مجمل الشعراء لني لاساسي ولاشاعر لك بيت عساني اتقدم بمضمونه لك وياصل لك بالشكل الي ابيه ,, درب السلامه مثل سلك الحريري=يلي على درب السلامه مغيري ودرب القشر كبه مدامه خطيري=فيه الافاعي صوتها له فحيحي لك خالص تحياتي وشكري وصح الله لسانك وقلبك مره ثانيه . |
رد: بالله انتم شاعر ؟؟ ماضني
اقتباس:
اخووي الكريم ودي ان ارى القصيده كامله |
رد: بالله انتم شاعر ؟؟ ماضني
اقتباس:
بارك الله فيك ,, وانا والله لو ما ابي تفاعلكم وتحرك اقلامكم ماكتبت العنوان هكذا |
رد: بالله انتم شاعر ؟؟ ماضني
صح الله لسانكً واعتلى شانكً
قصيدة رائعه جدآآآ كفيت ووفيت واللـعـنه إبشـار الأسـد لاحـل طـاريـه أصـدر عـلـى شـعـبـه حـكم الأعـدام ياظالـمـن شـعـبـكً وش اللـي تـسـويـه ويـمـهـلـكً رب البـيـت عـيـنـه مـاتـنـام وسلامتكً لكً مني خالص الشكر والإحترام تحياتي |
رد: بالله انتم شاعر ؟؟ ماضني
اقتباس:
مااااااااااااااااااااااااااااعليك زود يالنشمي القصيدة قيد التنفيذ....حلوه هههه وابشر إنشاء الله تراها |
رد: بالله انتم شاعر ؟؟ ماضني
لاهنتم يا اللي مازال الخير فيكم
|
رد: بالله انتم شاعر ؟؟ ماضني
صح لسانك يا شاعرنا ومو لانا ما قصدنا بسوريا ما صرنا شعراء بس كل إنسان له مجاله كلن يهزه يالاسيود مجاله = والله يجنبنا الفتن والضلاله الشيخ وصى قبل موته عياله = ابعد عن الزله وخلك صريحي |
رد: بالله انتم شاعر ؟؟ ماضني
ترانيم رد موقر ,,
لاكن قلت القول ذا ,, على شان تسير الاقلام ,, ولا كلكم اخوان وغالين |
| الساعة الآن 07:15 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
