الملتقى الجماهيري للشاعر محمد بن فطيس المري

السلام عليكم ورحمة الله

اليكم قصة بن فطيس
يقول ابن فطيس ،، كنت توي شاب في مرحلة الإعدادي
وجالس مع الوالد ،، وربعه .. سوالف وعلوم رجال وشعر
المهم واحد من الرجال ،، قال يالربع اليوم كنت ماشي بدربي
شفت لي بيت شعر مكتوب على جدار ،، يقول :
أعلان للي مابعد جـرّب الحـب=يترك طريق الحب قدر استطاعه
فيه الهنا ياتيك ساعه ويذهـب=وفيه العنا ياتيك في كل ساعـه
المهم ابن فطيس يقول البيتين اعجبتني ،، !!
تعرفون توّهـ شباب ،، وقلبه خظر // مسك ورقه وقعد يكتب ..
المهم اليوم الثاني والرجال جالسين قال محمد بن فطيس يالربع ،، أنا كتبت بيتين
وبقولها لكمـ :
اعلان للي مابعد جـرب الحـب=يسلك طريق الحب بس بشجاعه
فيه الوفا والغدر والصدق والكذب=وفيه الفراق وفيه شوق اجتماعه
حظك على حظك تشجّع وجـرب=ان صبت والا غير تاخذ مناعـه
ضحك والده ،، وقال // من كتب هالابياات ؟ ،، قال محمد : أنا
قال أبوهـ عطني الورقة ،، ويكتب عليها :
أعلان للي مابعـد جـرب الحـب=يتـرك طريـق مايجـوز اتباعـه
مع الرجا والخوف والياس والذنب=لو دام وصله ماومنـت انقطاعـه
شيئ غريب يشاع بالشرق والغرب=تركـه قـلاع واتباعـه قـلاعـه
وكان رد الشاعر غيثان الكثيري
اعلان للي ما بعـد جـرب الحـب=وش تنتظر.راح العمر في قطاعه
حب احترق غامر ,تعلم وتكسب=صدق المشاعر والوفـا والمناعـه
الحب شي راقي من القلـب للقلـب=احساس عذب وما يجوز امتناعـه
لحظة تساوي عمر والعمر يذهـب=هذي حياتـك , عيشهـا بالقناعـة
الحب , يا زينه ولو كـان متعـب=اسأل مجرب , والتجارب بضاعـه
خذ ما يناسب لك وخلـك مهـذب=مرتاح انا رغم التعب يـا جماعـه
اعلاااان للي ما بعد جـرب الحـب=وش تنتظر يحتاج فعلاً شجاعـه
وكان رد الشاعر احمد الكثيري (ابو جلال )
ابدى بذكره عدما الشمس تغـرب=وعداد مالجـت بقلبـي وجاعـه
جلال خذ بيدك قلم قـوم واكتـب=اوزن حروف القاف والقلب راعه
اعلان للي مابعد جـرب الحـب=الحب كالزورق تمايـل شراعـه
ماله بهذا الكون مخرج ومهـرب=وش عاد لو طبيت في وسط قاعه
احـذرك ياكـل عاشـق تجنـب=درب الهوى لاتتخذهـا شجاعـه
الحب مثل النـار بالقلـب يلهـب=يلهب بقلبك مثـل سـم الافاعـه
ممـا كتبنـا لا تحـاول تعجـب=اسأل هل الصولات واهل الصناعه
الحـب مابيـن الحنايـا ترسـب=عشرين عامٍ طايحٍ في صراعـه
ازكى تحيه عد مانـزل الـرب=واعداد موج البحر والا ارتفاعـه
لمحمد بن فطيس قـرمٍ مجـرب=والعزوتي غيثان بيـن الجماعـه