الملتقى الجماهيري للشاعر محمد بن فطيس المري

الملتقى الجماهيري للشاعر محمد بن فطيس المري (http://www.m-f6es.com/vb/index.php)
-   ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)
-   -   من قصائد الشاعر / #محمد_الشهري (http://www.m-f6es.com/vb/showthread.php?t=24098)

سااهر 02-11-2017 10:53 PM

من قصائد الشاعر / #محمد_الشهري
 
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]




* تفاصيل مسراي *



ناداني الهاجس وجيته من اقصاي

ما ادري شقاوة عشق ولاّ شهامة

سريت مثل الحزن في نغمة الناي

من غير ما انشد وين درب السلامة

جيته بقايا صبر ما احسّب خطاي

أجفل عن الموذين واهل النمامة

من شان بعض الناس ما تسمع حكاي

لا جيت اقول اللي يليق بمقامه

يا نشوة الماضي، ويا بهجة الجاي

ما عاد يجدي البوح طول اعتصامه

هذا انت شفت اشلون عايش بمنفاي

ما بين همّي والنصيب وخصامه

في غربتي ما شفت من زحمة مناي

إلاّ تباريح الهوى وانتقامه

أزريت اوالف بين وضعي وهقواي

نوبٍ ضيا شمعة، ونوبٍ عتامة

تاهت ظنوني بين بيعي ومشراي

ما بين تجميع الرجا وانقسامه

هذي ملامح من تفاصيل مسراي

البارحة في غفلة اهل الملامة

-
#شعر /
#محمد_الشهري



.

سااهر 02-11-2017 10:58 PM

رد: من قصائد الشاعر / #محمد_الشهري
 

* حدّيتني !! *



تنشد عن احوالي بعد طفت ستين

يوم ان كيفك راق ، والجو صافي

حدّيتني ماهوب حسب القوانين

أبوح باللي كان بالجوف خافي

والله لولاي آتسلّى بثنتين

ذكراك ، ومغازل حِسان القوافي

أمدى حياتي من قسى الوقت والبين

حياة مخبولٍ يطا الجمر حافي

يوم ان حنّا بالظروف امتساوين

سوّيت من نفسك غشيم امتعافي

واليوم ما حصّلت بين العناوين

إلاّ الجريح اللي بخبرك سنافي


-
#شعر /
#محمد_الشهري

.

سااهر 02-11-2017 11:13 PM

رد: من قصائد الشاعر / #محمد_الشهري
 
* ما كنّك اخطيت.!! *

الله يجازي ذيك الايام بالخير

أيام ترقبني على شرفة البيت

لو ما مداني صُبح مريتك عصير

واحيان اجي عاني وانا ما تغديت

ما عاقني شغلي وطول المشاوير

عن غايةٍ ما تعترف بالمواقيت

اجيك في لهفة كما طفلٍ صغير

لو بي وجع حسّيت روحي تعافيت

ولو ما لقيتك كنّ قلبي على كير

امرض وتبطي علّتي ما تشافيت

يضيق صدري واستخف المحاذير

لوما ظروفي ساعدتني ومريت

لو بس امرّ مرور بالحي ، ما غير

احس كنّي من دلالك تقهويت

أخطي وتسمحني بليّا معاذير

وتخطي عَلي واسمحك ما كنّك اخطيت

الله على ذيك الوقوت المسافير

ما اقدر على نسيانها لو تهقويت

رغم البساطة والظروف المعاسير

يا ليت ترجع ، بس وش فود يا ليت؟


-
#شعر /
#محمد_الشهري



.

.

سااهر 01-19-2018 09:03 PM

رد: من قصائد الشاعر / #محمد_الشهري
 

السارق المزّاح.!
- - - -

صباحك ندى يا ساكن الذاكرة والعين

وباقي نهارك والليالي هنا وافراح

تدلّل وزيد الدّل يا سيّد الحلوين

يقدّيك لا قالوا: طباع المليح ، ملاح

عليم الله انّا يا هوى البال مشتاقين

لساعة صفا ما بيننا والنفوس سماح

ترى يكفي المشتاق من يمّكم ثنتين

شويّة حنان ، وشيّ من عطرك الفوّاح

دخيلك ترى ما فيّ لمطارد المقفين

ولاني براعي كيد ومشاغبة وصياح

ولا لي مطامع زود في عالم الترفين

سوى (الغادة) اللي صابني رمشها الذبّاح

عليها خفوقي يا (سعد) منقسم نصفين

نصيفة (غلا) والنصف الآخر تعب وجراح

خَذَت زِينة اللي راح واللي بعد جايين

ومن شفتها بالسوق يا خوك، حيلي طاح

رمتني وانا ماشي معا جملة الماشين

بسهم المنايا رمية (السارق المزّاح)

وانا قبل ذاك اليوم سالي مع السالين

بدنيا القصيد وعالمه داله وسوّاح

-
محمد الشهري

سااهر 05-13-2018 11:26 PM

رد: من قصائد الشاعر / #محمد_الشهري
 
الصلح خير

....


سنين العمر مرّت ولا بيّن الكسبان
من الهجر والحرمان والشك والحيرة

عنادك طوال الوقت حدّك على العصيان
وانا حدّني صبري على واجب الجيرة

تعال انتلاحق ما بقى من دفا الوجدان
وننسى زمن كلٍ يعدّد مخاسيره

تنازلت لي، ولاّ تنازلت لك (سِيّان)
مادام ان يوم القرب لاحت تباشيره

وبحلف ولو كان انّ مالك علي حلفان
فلا كان لي غيرك من اهل الوله خيرة

ترى ما يجي من يابسات الشجر رمّان
ولا تنفع المرتاب كثرة محاذيره

قضى الوقت ماعد يمدي معاتب الغلطان
تعال انتصالح عاد ونفضّها سيرة

ترى الصلح خير وراعي الكبر في نقصان
يكابر بلاش وياخذ الفايدة غيره

** **

محمد الشهري

.


الساعة الآن 04:40 PM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69