الملتقى الجماهيري للشاعر محمد بن فطيس المري

الملتقى الجماهيري للشاعر محمد بن فطيس المري (http://www.m-f6es.com/vb/index.php)
-   المـحاوره والعــرضــه (http://www.m-f6es.com/vb/forumdisplay.php?f=48)
-   -   محاورة الشاعر عيضة السفياني شاعر المليون والشيخ عبدالله بن جملا (http://www.m-f6es.com/vb/showthread.php?t=23753)

عبدالله السفياني 09-12-2016 03:31 PM

محاورة الشاعر عيضة السفياني شاعر المليون والشيخ عبدالله بن جملا
 
عيضة السفياني
سلامي سلاماً يطوي البعد والاسباب
يمر الثلاث البيض ويسير رابعها

انا شاعرٍ ماداني الشعر في الوتساب
لكن القريحة لوحت لك ب اصابعها

الشيخ عبدالله بن جملا
هلا مرحبا عد وتفضل وصك الباب
نفل الرسايل قبل تجمع طوابعها

تويتر وانستغرام ومحادثه وسناب
عقوبه من الله مير كلٍ يتابعها

عيضة السفياني
لقينا لنا سبعة ذيابه على المرقاب
تجر العوى وتلد في عين سابعها

صحيح القناعة كنز مير الطمع غلاب
يوضح نهايات الرجال ومقاطعها

الشيخ عبدالله بن جملا
سلامتك خلك ذيب دامك لقيت ذياب
وجر العوا واحتدها في مسابعها

على شان قمريه تشقون نحر الداب
ولا تعرفون انه من الصبح بالعها

عيضة السفياني
محادير كبكب من علوه على الإشعاب
والاشعاب يقطع طولها كبد طالعها

تشيب الليالي والفتن رأسها ماشاب
وتزحف حياياها وتنقز جرابعها

الشيخ عبدالله بن جملا
بلادي بلادي بالتراضي وبالمشعاب
ولا اطاوع اللي قال ياشيخنا بعها

مشاكل زمان الصمت مدعاه للارهاب
وخير الحلول انك تجفف منابعها

عيضة السفياني
تساقط من عيون الحقيقة ثنين اصحاب
وحرمت بعد اليوم مامر شارعها

مشاريعنا راحت مع مظفر النواب
بقي له ثلاث اشهر ويخلى مواقعها

الشيخ عبدالله بن جملا
تحاشى من ارباب السوابق ثمان ارباب
تراها ليا هالحين في طور تاسعها

اجل مالك الا بدر ابن شاكر السياب
سليل الملوك اللي وكيلك يراجعها

عيضة السفياني
يدور الفلك ولا يوقف على الاعصاب
انحر جنوبي للمشاكل واصارعها

دعاويك ياشيخ القبيلة حمل قلاب
وثلثينها عيا سحيبان يرفعها

الشيخ عبدالله بن جملا
تقوله وانا اشهد والكفو مايحسب حساب
ولا حافها ماينسدح في تقاطعها

ياعيضه علي ذنوب مير الله التواب
ولازلت مستقبل ذنوب وموادعها


الساعة الآن 11:47 PM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69