الملتقى الجماهيري للشاعر محمد بن فطيس المري

تَبي تشوف البؤْس يمشي على اقدام
شـــف لـــك فـقـيـرٍ رغْـــم فــقــره يـكـابــر

الجَـيـب خـالـي بـــسّ مـظـهـر وهـنــدام
مــا هــوب لا جــازع وَلا هــوب صـابـر

فـــــي داخــلـــه آلام واحـــــلام واوهــــــام
وفــــي رحـلـتــه تـنـســدّ كــــلّ الـمـعـابــر

يـرجـع ورا .. والـنـاس تمـشـي لـقــدّام
حـتــى لـــو انّـــه فـــي حـيـاتــه مـثـابــر

إنْ قام قَومة ضعْف وانْ طاح ما قـام
كــنّــه مــــعَ الـحـيِّـيـن مـقــطــوع دابـــــر

مـــا عـنــده الا الـضـحْـك وَلاّ الـتـبـسّـام
ويحْفـظ شِعـار ( انّ الأوادم مخـابـر )

وهُـو لا طـاب يُـضـام وانْ زلّ ينـضـام
وبإسـمـه يُشـهّـر فــي جمـيـع المـنـابـر

مـــا يـسـمـع الاّ هـــرْج شـامــت ولــــوّام
ونـقْـد اللئـيـم الـلـي مـــن الـلــؤْم كـابــر

طير السعَد فوقـه مـن سنيـن مـا حـام
وانْ مَــرّ بــه فــي يـــوم مـــرور عـابــر

وإذا لـقــا مـــا يُـشْـبـعـه خـمـســة ايــــام
يـشــوف نـفـسـه وارث الـشـيـخ جــابــر

ومـن نخْوتـه يـروح مـا حاشـه اقـسـام
يـعـطــي مــــا كــنّــه للمـقـابـيـل ســابــر

مستـقـبـلـه مـجـهــول واحــزانــه اكــــوام
وكــلْ مــا كـبـر هـمّــه يـــزور المـقـابـر

ويـرجـع بـعــزّة نـفــس واصـــرار واقـــدام
تكـسـيـه مـــن هَـيـبـة عْــيــال الأكــابــر

أكـثــر رمـــوز الـبــؤْس وافــيــن وكْــــرام
ومـنْــهــم فـقــيــرٍ رغْـــــم فــقـــره يـكــابــر

الشاعر : سالم صليم