الملتقى الجماهيري للشاعر محمد بن فطيس المري

الله المعبود ماغيره ولا رب إرتجيته
قدر الارزاق والاجال والسبع المثاني

من عطاه اهل العطاء تعطي ورزقه ماحصيته
لايعد ولا لها محصي من ثمار المجاني

ندعي عي الله والذي مكتوب لابدّي لقيته
واحمد الله واشكره مادام حنا في اماني

تاجرا وانزل في سوق البيع والغالي شريته
اعرف المكسب وعشر البيع ماترجع ثماني

والحياه ادروس صفحة كل مافيها قريته
بين عذر وبين حاضر كنها طعن السناني

ساهرا ليلي وبيت الشعر بالحكمة بنيته
اختصر بيت القصيد وعثرته عثرة حصاني

انصدمت ولاقدرت اقول وين اللي حزيته
للنوايب يوم اقول تكفى يقول ابشر وباني

انعميت وجات ردت فعل من حر اشتويته
ماحسبت حسابها في حينها مجروح اعاني

المشاعر واضحة فالوجه ماشيً خفيته
والوفي عكس الردي والطيب في وجهه يباني

الردي محسب حسابه وان توفى مابكيته
لا بيذكره البعيد ولابيذكره المداني

ماهو مثل المحزم المليان يوم اني نقيته
ناقش اسمه بالفعل من قبل ينطق باللساني

الامل لازال باقي يوم اقل ليته وليته
يمسح النقطة من الصفحة في اقل امن الثواني

يعلم الله منزله غالي وبي روحي فديته
منزله يفرق عن اقرانه وكنه من خواني

يالله ذكرني بذكرك لوسليت ولو نسيته
وجعله ربيع قلبي وجعله بهجة كياني

وختم اعمالي بخير ومن بلاني مابليته
مطمع الا في حياةً باقية والعمر فاني

عبدالله بن جابر