بسم الذي بسمه دحرنا الشياطين=الله ولا غيره على الكون سلطان
ابدا قصيدي واتنقى من الزين=والامس قلوب الخلايق والاذهان
لني وحيد احساس ومحدب العين=جبت الفرايد دون خلات وسمان
فيا ناشدين اليوم عن ناصر حسين=ناصر نثر لبداع في كل ميدان
تزهابه حروف الهجا والمضامين=وتشوش له كل القوافي والاوزان
لنه من رجالٍ على الطيب وافين=ولنه سليل اهل المكارم والاحسان
ياتي بكلماته ولا ينتهك دين=ولا يصغر من هل العز والشان
يرقى وكور احرارها والشياهين=وينافس سهيل اليماني لما بان
واليوم شاف اليوم بعض العناوين=كلا يفاخر بس ما عنده لسان
اللي يقول انه كتبها بتلحين =كيبورديه جات لن وقتها حان
يا ويش اقول انا بعد عام الالفين=جبت القصايد دون تقدير واثمان
كل الذي في المنتدا بان ويبين =مولود في لحظه مرصع بمرجان
اجيبها في حلها دون تخمين=واسوقها سوق المطايا والامزان
كيبوردي يشهد وتشهد لي العين=ويشهد علي الله خلاق الاكوان
اليوم ذا قالو قتل والدما دين=واستعرضو بعض الصور تو الاعيان
من بعد بيت ودار وزنقه غدا وين=في رحمة الله او وسط كوم نيران
معمر اللي عمر احساسه الين=ردو مقولاته على كل الاوطان
جرحه برا لكن حكاية فلسطين=قصة اهانه خالده عبر الازمان
هو قالها والقول من دون تدوين=صدام راح ودوركم جاي مليان
حبيت ابرر بعض ما فالشرايين=وانثر عليكم شي من حس بطران
كل القصايد جاهزه دون تكوين=مضمونها جاهز ومنطوقها زان
كيبوردي يشهد علي والموازين=ان القصايد عبر لوحاته تبان
يا سلم الشعار بالزين والشين=دقو تحيه واعلنوها بالاذعان
قولو حضر ناصر على العسر واللين=ينحت تعابيره على طوف جدران
لا ثار ثوره ثار ثورة براكين=وان هد يروي مخلبه طير حوران
شعره يردد من ورا حد برلين=ويترجم ابياته هل الغرب والجان
مجنون شعر وجوف راسه مجانين=تبدي سطرها لا بدا الازم وشان
ابيات شعره دون شده وتنوين=تلمع مثل نجم ٍ على الكون فنان
وش عاد لا جت شده بحسها الزين=ثم بان تنوين الكلم دون نقصان
تثبت نبا قصادها بالميادين=ثم يفصح الكيبورد عن معجم انسان

صح لسانك

بيض الله وجهك

فعلاً استمتعت بالقصيده

تقبل مروري

المشاركة الأصلية كتبت بواسطة مشعل بن ردمان الحربي (المشاركة 146533) صح لسانك بيض الله وجهك فعلاً استمتعت بالقصيده تقبل مروري