الملتقى الجماهيري للشاعر محمد بن فطيس المري

الملتقى الجماهيري للشاعر محمد بن فطيس المري (http://www.m-f6es.com/vb/index.php)
-   ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)
-   -   ما دمت تنشد يا رفيقي عن الحال ..خلف مشعان آلعنزى.. (http://www.m-f6es.com/vb/showthread.php?t=7605)

الفلوه 08-25-2011 02:09 AM

ما دمت تنشد يا رفيقي عن الحال ..خلف مشعان آلعنزى..
 
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
مادمت تنشد يارفيقي .. عن الحال
........................ مالي على .. كتمانها عنك .. حيله


الصبر عن بوح الاحاسيس .. قتال
........................ والبوح في بعض المواقف ، فشيله


لو كل مايطري على البال ينقال
.......................... ماكان شفت ان الثقيله .... ثقيله


ابطيت اكافح ضيقة البال بالبال
...................... . وادفع بلا .. هاجوسها كل .. ليله


لين اقبلت مثل .. السحابه بهمال
........................ تشفي غليل اللي .. تزايد غليـله

.....................رعادها خيل تدابك وتختال
وبراقها لمع السيوف الصقيله


طاحت ، ولاْوفق من حناياك منزال
..................... وابطلبك .. يابدر ( تكمى ) المخيله



ان قيل ترعد .. قلهم : صوت زلزال
.................. وان قيل تبرق .. شف لها ادناة حيله


مابي .. تناقلها هل القيل والقال
..................... .. وتصير من بعد القصيره .. طويله
يابدر .. !!
يابدر .. ماني عال .. لو صحتي عال
.................... .. شفني من الصدمات نفسي عليله


اشيل حملٍ .. لو يشيلنه .. جبال
..................... .. الله ، وامانه .. غير تصبح نثيله


أرمي .. من هموم الزمن .. واسحب أدبال
................. وانزل عن ( الجوكر ) وغيري يشيله


من كثر ماشفت بحياتي من انذال ....!!
...................... .. بديت اشك ان النذاله ... فضيله


ماطاح من عيني رجل ..!! طاحوا .. رجال
................. .. ورجال ( يابن حنيف ) ماهي قليله


اقرب من اللي قالهم ضمن ماقال .. :
..................... راكان بن حثلين .. راعي الجزيله


( هذا .. ولد عمٍ ، وهذا .. ولد خال
.......................... وهذا .. رفيقٍ مالقينا .. بديله )


سبحان منهو يابدرغيّر الحال ..!!
.................... .. وحط الجفا بين الخليل .. وخليله
هذا الزمن يبغاله .. لسان دلاّل .. !
................. .. من يستحي هالوقت .. واعزتي له


وقتٍ به ( الراعي ) غدى .. راعي دلال
................. .. كلٍ على طاريه .. ينفض شليله ..!!


ومن كان ساسه للردى مضرب امثال
................. .. اليوم .. يحسب من كبار القبيله ..!!
المال ..!!
المال .. يابن حنيف ملعون .. ابو المال
................. // .. ذل العزيز .. وعز .. ناسٍ ذليله ...!!
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]



الساعة الآن 03:32 PM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69