الله يسامحك كيف تقول ماذا دهاك ..
 

من روائع الشاعر خليل الشبرمي

يامن دهتنـي عيونـك واحتوتنـي يديـك = الله يسامحْك كيـف تقـول مـاذا دهـاك

ماتدري انـي متيّـم بـك وكلـي لديـك = مملوك مأسـور مسبـي مستهـام بهـواك

أموت كلي معك واموت فيـك وعليـك = واغليك لكـن عسـى الله مايبيّـن غـلاك

واحنّ اليك وعليك احـنّ مـن والديـك = ومن لهفتـي عيـن قدّامـك وعيـنٍ وراك

أشتاق لك واشتكي لك منك واشكيك اليـك = كلك ملكني وكلك فـي عيونـي مـلاك

جادلك جيدك جبينـك خنجـرك حاجبيـك =اسمك سماتك سمّـوك سِسْتِمِـك مستـواك

جوريْك جمرك لجينك عسجـدك وجنتيـك = ذرابتِك رقّتِك روعـة حضـورك بهـاك

وجهك وهج مبسمِـك بسمَتْـك غمّازتيـك = براءتك خالك اللي لاذ بايسـر شفـاك

سِجِنّجِلِـك جلنـارك نرجسِـك كركديـك = كاديك مسكك نسيمك شمس صبحك مساك

سلهام عينك نَعَس طرفك .. حَور مقلتيك = بوهَتْك ملحك حلاتك خـف دمـك حيـاك

ما اعرف اداري ولا اهدّي ولا امسك بريك = لاجيت اجي كلي وكلي عسانـي فـداك

أقدّم الروح كاش وباقـي العمـر شيـك = باسمك مصدّق ولا يصرف لحـيٍ سـواك

يامن دهتنـي عيونـك واحتوتنـي يديـك = الله يسامِحْـك كانـك قلـت مـاذا دهـاك

رد: الله يسامحك كيف تقول ماذا دهاك ..
 

جادلك جيدك جبينـك خنجـرك حاجبيـك اسمك سماتك سمّـوك سِسْتِمِـك مستـواك

تسلم يمينك ... وصح لسانك ...اطربت المسامع ..تقبل تحياتي