الملتقى الجماهيري للشاعر محمد بن فطيس المري

الملتقى الجماهيري للشاعر محمد بن فطيس المري (http://www.m-f6es.com/vb/index.php)
-   الشعر و الشعراء (http://www.m-f6es.com/vb/forumdisplay.php?f=15)
-   -   ياخي لشيخ الشاعر عبدالله بن جملا السفياني (http://www.m-f6es.com/vb/showthread.php?t=23811)

عبدالله السفياني 09-29-2016 01:18 PM

ياخي لشيخ الشاعر عبدالله بن جملا السفياني
 
ياخي ليتك يوم حظي قسمته
علمتني كيف اقسم الود ياخي
هيا استلم ماجاز لي واستلمته
وانفض فراشك في طرف بارد الفي
عقدٍ على جيد المشاعر نظمته
يسري مع الظلما ويهدي لها ضي
حاجز خصوصية زمن واقتحمته
لاقال لي رحب ولا قلت له حي
تابعت احاديثه وتابعت صمته
شعلة ذكا مافيه زيه ولا زي
الله يسامحني سكت واتهمته
بالضعف والتقصير والجهل والعي
والله يبارك له تحدث ولمته
ليش العوارف يلوي اعناقهم لي
اهز راسي يعني اني فهمته
وانا بدون احراج فاهم ولا شي
وجه الحقيقة تحلف اني لطمته
حتى عراقيب القفا وضعها سي
حاول يطيب خاطري لاعدمته
بابشر ولا تزعل وهالحين وشوي
الشاهد الله في خيالي رسمته
غيمة كرم تمطر على حاتم الطي
الخاتمه تدرون ليش احترمته
تدرون ليش السامري يهدي الغي
مر الضمير المستتر واغتنمته
واصبح شعاري تبت لاتبت ايدي
بالذات جلد الذات هاج وخطمته
حتى بديت اطرب على زامر الحي
نبذه بسيطة وادري اني ظلمته
وش يروي العطشان من قطرة المي
ابرز معالم حلمي اللي حلمته
صيحة ضمير يقول ياليتني حي

عبدالله بن جملا السفياني

ماجد الشيباني 01-02-2017 02:59 PM

رد: ياخي لشيخ الشاعر عبدالله بن جملا السفياني
 
اتسلم يمينك على هالطرح والنقل العذب
ودي


الساعة الآن 04:53 AM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69