الملتقى الجماهيري للشاعر محمد بن فطيس المري

الملتقى الجماهيري للشاعر محمد بن فطيس المري (http://www.m-f6es.com/vb/index.php)
-   المـحاوره والعــرضــه (http://www.m-f6es.com/vb/forumdisplay.php?f=48)
-   -   محاورة بين عايش مقبول السفياني وعبدالله جابر السفياني (http://www.m-f6es.com/vb/showthread.php?t=23718)

عبدالله السفياني 08-25-2016 12:26 PM

محاورة بين عايش مقبول السفياني وعبدالله جابر السفياني
 
ابوزيد
ابن جابر لو بغيت آدوره سويت حيلة ..
المهم إنه يجي والعب معه قاف انتحاري ..

أحمد الله صار عبدالله من أصحاب الفضيلة ..
ما يغادر مجلس الشيخين ( مسلم والبخاري ) ..
عبدالله
ابن جابر في ميادين اللقاء جيشه وخيله..
مايهمه في شروق الوقت وإلا في الغداري


من يبي يرتاح باله عامل اصحاب الاصيله.
يعرف اعلوم الشيوخ،ويقطف اجزال الثماري
ابوزيد
جاك سيلآ من علو الضلع وخر عن مسيله ..
لا يشيلك مثلما شال الكبار من الكباري ..
وأنت لو إنك تموت أكبر خسارة فالقبيلة ..
من يغلق فاللوازم وقت حالات الطواري ..

عبدالله
جونا صافي ولا شفنا بروق ولا مخيله..

كيف قال السيل وانا ما بشوف إلا الغباري

البعير اشعيل يهدر مير حمله من يشيله..
لوتقول الجيب قلنا ما كما سفن الصحاري
ابوزيد
لا تقول الوقت هذا فيه حاجة مستحيلة ..
كل طيارآ معرض للهبوط الاضطراري ..
........
راح حسني والخلف ما هو بمن نفس الفصيلة ..
والمصيبة يوم تتجاهل وكنك ما أنت داري .
عبدالله
كل من قدم فوقته شي يشفع له حصيله..
ثم تبقا سالفة بين الضحاوي والعصاري..

....
الدوى مع قدرة الله يبري الكبد العليله...
غير مرضان الوهم يمسي ويصبح ففتكاري
ابوزيد
لو يروح الصقر أبو مخلاب من راس الطويلة ..
أبلشتنا في مزارعنا طويرات الحباري ...
..........
اكرم اكرم دام ما فالدلة إلا جنزبيلة ..
واوجودي ياالدلال اللي بها البن الهراري .
عبدالله
جمس كل الناس ماتجهل ولا تنسى وكيله...
والوكيل المعتمد معروف ماعنده تجاري..
....
لاتوجد دام شفت النار في راس الفتيله...
والهدف مطروح مادامه على مرمى السواري
ابو زيد
....
الله يغيثك بغر المزن يا وادي بجيلة ..
الأمانة حولت يمك مواصير المجاري ..
إنما هو ، لا يضيع الورث منك بظرف ليلة ..
ثم تصبح من جنانك تخبط أغصان الشجاري

عبدالله
انت ماتعرف ديار الناس يبغالك دليله...
لا تلخبط فالاسامي قبل ماتلقى الاثاري...

من حزامي طلقتي وانا وريث اهل الكحيله...

اللذي تاريخها مشهودفي بحروبراري
ابوزيد
كان ودك يا ابن جابر فالبشر تكسب جميلة ..
سلم المشرط والإبرة للطبيب الاستشاري ..
القضية كايدة يا ذيب والحملة ثقيلة ..
وأنت ما أظنك على صكات هذا الوقت ضاري ..
عبدالله
البقى فالوقت للي يوزن الكيله بكيله...
وانت ما تدرك شروط الكيل يراعي المقاري..
ارتقينا يوم عائش صاحبي بائع بليله..
راح فشانه وانا فشان ماني له مباري

ريف الصبا 08-25-2016 03:22 PM

رد: محاورة بين عايش مقبول السفياني وعبدالله جابر السفياني
 
الله الله
ماشاء الله اشهد انها مجاره عالميه صح لسانهم

تسلم اخويه على هالموضوع المتميز و الرائع


عبدالله السفياني 08-26-2016 02:51 PM

رد: محاورة بين عايش مقبول السفياني وعبدالله جابر السفياني
 
اقتباس:

المشاركة الأصلية كتبت بواسطة ريف الصبا (المشاركة 384827)
الله الله
ماشاء الله اشهد انها مجاره عالميه صح لسانهم

تسلم اخويه على هالموضوع المتميز و الرائع


مرور مقدر بالاحترام


الساعة الآن 08:39 AM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69