الملتقى الجماهيري للشاعر محمد بن فطيس المري

الملتقى الجماهيري للشاعر محمد بن فطيس المري (http://www.m-f6es.com/vb/index.php)
-   ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)
-   -   من قصـائد الشاعر الكبير / سـعـد بن جـدلان (http://www.m-f6es.com/vb/showthread.php?t=22371)

رشيد 07-06-2015 12:50 AM

من قصـائد الشاعر الكبير / سـعـد بن جـدلان
 
سوق الطيب





[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]



سعد بن جدلان



علم اللي كل يومٍ يقابلنا بثوب

ما يخدرنا كلامه مع من خدّره

إن لقينا اللعب نزحف مع جوٍ لعوب

وان هبطنا سوق طيبٍ خذينا ندّره

العرب ما هيب تعلم مسدات الغيوب

ووارد الما ما يدلّه يكود مصدّره

ولا تجيك الحصبة إلا من فراش محصوب

وحبة الجدري تجي من فراش مجدّرة

والمحب اذنيه ماهيب تسمع للعيوب

والعدو لا درهمت به تجي متحدّره

دامت الأخلاق يملك بها الواحد شعوب

ياجب انها في جميع الامور مبدّره

وان لقيناها طويلة وموخرها سحوب

والمرض فيها فحولة تهيّج فدّره

ان قدرنا نقفل الباب من دون الهبوب

ولاّ جا درب لنا والقنيّ مسدّره

الأصايل كل يوم تلافح بالكعوب

والردي لا عيّن اللي يهينه قدّره

ولا تعرف حسابك إلا ليا صرت محسوب

وشرهة القادر على العالم المتقدرة

فالمقابل تنفتح له دواليب القلوب

والمقفي قلعة الوادرين تودّره



.

الريح 07-10-2015 12:23 AM

رد: من قصـائد الشاعر الكبير / سـعـد بن جـدلان
 
الله الله يبن جدلان
يغرّد خاااااااارج السرب


سلمت رشيد على النقل

رشيد 07-20-2015 02:10 AM

رد: من قصـائد الشاعر الكبير / سـعـد بن جـدلان
 
العود الأزرق والعبير
......


الشدايد يا جميلة بالازمات اختبار

ينعرف فيها الظلال الطويل من القصير

كل ما اذكر حالتك بين غار وبين نار

راحت الدنيا بعيني عبوسٍ قمطرير

تحسب ان حبك محاه التشدد والحصار

التشدد في المحبة هو الشر الشرير

شغلهم ضدي وضدك يعمر لك وقار

في ضميرٍ ماسكن فيه قدامك عشير

زارعٍ لك بخشةٍ من الزرار الى الزرار

نبتها ملمسك والعود الازرق والعبير

شد حيلك لا يصيبك فشل وإلا انهيار

لا تصغّر قيمتك وانت في عيني كبير

لذة صبار الهوا مثل لذة الانتصار

لا تصدق من يقول الحسد ما فيه خير

لا تغيرب ماجرا من قنا مثلك يغار

كل شي ينشفا فيه ميصاله عسير

الذهب دونه حراسه وبيبانٍ كبار

والدرر من دونها هيبة البحر الغزير

غير لاتيّس و تكتب على نفسك قرار

يدفعك سوء التصرف على بئس المصير

لولا شحي فيك جيتك أجاهر من نهار

غير ما يصلح مقامٍ بلا رايٍ بصير

فرصتي ويقة حرارٍ على ماكر حرار

ما يعود فالمحل الربيب إلا البعير

والله ان اموت ما جاك من عندي بوار

خل في قلبك ثقة والثقة كنز الضمير

خذ كلام اللي يشوفك بعين الاعتبار

واحدٍ مالك بقلبه ولا عقله خشير

والمحبة مدرسة شي ثبوت وشي فرار

وانت درسي مع هل الحب الاول والاخير

-
سعد بن جدلان

.

سااهر 08-04-2015 01:16 AM

رد: من قصـائد الشاعر الكبير / سـعـد بن جـدلان
 

العيدية

..........

عيد الله عليك يعود بالمستكا والعود

اهنيك جعل الله بشوفك يهنيني

عيدية ضميرٍ حط فيه الفراق ألهود

أجامل على الأنظار والهم طاويني

أجدد معا ذكراك عقب الغياب اعهود

وأنا والله أني خابرٍ ما انت ناسيني

مواثيق ست سنين يا ناسع المردود

يمديها تزيل الشك ما بينك وبيني

ولو كرهوا الحسّاد وأهل القلوب السود

محبتك في قلبي وقدرك على عيني

محبتك عندي كل ليلٍ ويوم اتزود

اتزيد واتجدّد دمت أنا وأنت حييّني

-
الشاعر/ سعد بن جدلان

.

رشيد 09-27-2015 04:32 AM

رد: من قصـائد الشاعر الكبير / سـعـد بن جـدلان
 
.

بُعد الأمل تتعب دونه الناس ماوصلوه
حتى تجتمع فى ساعة الحشر منحشره
الوجه المشبب كلمته مالها مسفوه
والأقشر يواجه قشرالأنصاد من قشره
تلقى مبغضين الآدمي كثر من حبوه
على وجه سابعة الأراضين منتشره
والدنيا تمدّ الناس بالخير .. والمكروه
في خيراتها شتّى .. وفي شرّها خِشره
سمات البخت لا شافوا النور ما غطوه
واقوى رابطة في الزاد والملح والعشره
واللي يجهل المشروه لا يلحِق المشروه
رجّال تعدّاه المشاريه لا يشره
والألباب لأمر الكلام المفيد أوحوه
تفصيل الخبر يكفي عنه موجز النشره





-


الشاعر/ سعد بن جدلان

.

سااهر 05-01-2016 02:24 AM

رد: من قصـائد الشاعر الكبير / سـعـد بن جـدلان
 
رحمك الله وغفر لك يا سعد بن جدلان الاكلبي
توفي الاسبوع الماضي
الثلاثاء 19 رجب 1437 هـ

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

سااهر 05-26-2016 12:04 AM

رد: من قصـائد الشاعر الكبير / سـعـد بن جـدلان
 

يازين المشي في الروض الخضر لا شعشع المخضار
يازين الديرة اللي من حقوق الوسم ممطورة

يريح البال سجٍ في الفياض الخضر والمسيار
سعادة للقلوب اللي من السلوان مسرورة

متى عيني تشوف اللي على قلبي ربيع ودار
أشاهد للسعادة في حياة المجتمع صورة

لا هلت مزون فوقهن تنعومتين صغار
على ذيك اللباب اللي من الرضوان مغمورة

لا منه أصحى سما غر المزون وشعشع النوار
ودجاه أدلى سدوله والقمر متجلي نوره

أشاهد لي بروق دونها ربانها تندار
تقول أكباس غاز من ورا شلال نافورة

سبح ماهر خيالي في الخباري والبرد والنار
وأشوف الجمر فوقه دلة الرسلان منحورة

هذاك المنظر اللي ما تشوفه في الحياة أمرار
على شوفه سبابيح الخيال تموت مقهورة

حرام إني ما أهني راع المليون والمليار
ولا أهني عربسات الفضا دوره ومقدوره

أعيش بعالم طول المدا يبقى لها تذكار
عليّه بالحرام انها حياةٍ مالها جوره

هذا وجه الصحيح ولا على وجه الصحيح غبار
حقيقة ويتمعنها اللبيب بكامل شعوره


-
#شعر

( #سعد_بن_جدلان_الاكلبي )


.

سااهر 06-05-2016 03:35 AM

رد: من قصـائد الشاعر الكبير / سـعـد بن جـدلان
 

يقول الشاعر سعد بن جدلان الاكلبي:

ظروف الشدايد سدها للمراجل فيد
ويقدرها راعي الوجهات والنصب والبرقه

الا حاجتين تبحث اللي مداه بعيد
ليا طال المرض والا ليا طالت الطرقه

هذي والله اللي يظهرن الردى والجيد
ومن فاز بالثنتين ذولي ظهر فرقه

نبات الفلاء ييبس وتسفي عليه البيد
وعرق النوامي في الثراء سابحٍ عرقه


.

سااهر 06-05-2016 03:37 AM

رد: من قصـائد الشاعر الكبير / سـعـد بن جـدلان
 

والله إني ما اعتذر من لزوم الطيبين

وان عسرني فالمطاليق دايم يعذرون

لانهم زد حدهم وقتهم.. ومجربين

مرّةٍ يلقون .. وأمرار مايلقون لون

ف الخلا عندي زباد.. ونسمة ياسمين

خير من ترحيب ناسٍ مغير يجاملون

-
#شعر
#سعد_بن_جدلان


.

عبدالله السفياني 06-11-2016 04:57 AM

رد: من قصـائد الشاعر الكبير / سـعـد بن جـدلان
 
الشاعرسعد بن جدلان عليه رحمة الله شاعر يعتبر
متميز في اسلوبه وجزالته وتجربة متفردة


الساعة الآن 02:26 AM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69