|
تصحيح وتوضيح ما حرفه التاريخ
يقال ان هذه القصيدة لمويضي العجمية زوجة جديع الهذال والمعروق انها حضرية
فالقصيدة التالية باعتقادي الشخصي هي لهجة بدوية بحته فهي ان لم تكن للدهلاوية فهي لمويضي البرازية او بخوت المرية او نورة الرشيد ولاكن لا يمكن ان تكون للبرازية لانها فيها نوع طلب الثار ولايمكن لشاعرة مطيرية ان تطلب ثار من مطير قبيلتها اذا فهي لشاعرة من قبائل نجد حرب او عتيبة او يام او قحطان المراد انه في تلك الفترة الزمنية كان في جزيرة العرب قحط وجفاف ولم تربع الا الصمان لعدة سنوات و طمع اهل الحلال والدبش في الصمان واباء الدويش وقبيلة علوى نزول اي من القبائل في الصمان لقلة الزرع الذي لا يكاد يكفي انعامهم وصارت عدة حروب ولاكن احتموها بني علوى فالقصيدة ياراكب حيل ابروسه لجاجــــــــــه ــــــــــــــــــــــــــــــــــ امظريات للمســـــــــــاري والادلاج لا روحن بالدو كن إنزعاجــــــــــه ــــــــــــــــــــــــــــــــــ سفنن حداها بالبحر بعض الامـواج سفن البحر سود بروسه فجاجــــه ــــــــــــــــــــــــــــــــــ وارقابهن زعاج من يبس الامــواج تلفون شيخٍ نازلٍ بالعجاجــــــــــــه ــــــــــــــــــــــــــــــــــ اجديع اللي للمجاويخ زعــــــــــاج مودع على المطران كدراً عجاجه ــــــــــــــــــــــــــــــــــ هجيجهم من بين أبانات وســــواج خلا المريخي طايحٍ في مداجـــــــه ــــــــــــــــــــــــــــــــــ والخيل بالجبلان راحن مـــــــــراج سلم على اللي راح للحول ماجــــه ــــــــــــــــــــــــــــــــــ وقله خويك ضايق الصدر واعـــلاج وقل لابن وايل كان وده ايواجـــــه ــــــــــــــــــــــــــــــــــ القيض فات وبارق الوسم زعـــاج حطيت لك ريش النعامه أولاجـــــه ــــــــــــــــــــــــــــــــــ والبطن لك يامدبس الخيل مسهـاج امـي توصيني عن الانزلاجـــــــــه ــــــــــــــــــــــــــــــــــ وقلبي اليا جاء طاري البدو ينفاج أمي تقول أن التمني سماجـــــــــه ــــــــــــــــــــــــــــــــــ وأقول أن بعض التمني به أفــراج ولو نظرنا في هذه الابيات للشاعرة سفن البحر سود بروسه فجاجــــه ــــــــــــــــــــــــــــــــــ وارقابهن زعاج من يبس الامــواج تلفون شيخٍ نازلٍ بالعجاجــــــــــــه ــــــــــــــــــــــــــــــــــ اجديع اللي للمجاويخ زعــــــــــاج مودع على المطران كدراً عجاجه ــــــــــــــــــــــــــــــــــ هجيجهم من بين أبانات وســــواج تصف الشاعرة الابل بانها سود واصحاب المجاهيم في الجزيرة هم ..... وتقول شيخ نازل بالعجاجه ومن المستحيل ان تكون مثل ماقيل انها تتوجد على فراق زوجها لانها تذم في القصيدة وجديع شيخ مشايخ عنزة وهو ما ذكر عنه انه كانت ارضه من ورا عرعر الا الاردن وهناك مات ايضا والشاهد على الذم البيت مودع على المطران كدرا عجاجه والمعروف عند العرب من يودع ابله عيب والمثل يقول جنب عن شاري ابله ومودعها ومزوج بنته وتابعها والله اعلم ان القصيدة لبخوت وتعاتب فيها جديع و وتحرضه غزو الدوشان من الشمال ومن ثم تسرح المجاهيم في الصمان وهذه الابيات .. يا راكب حيل ٍ الى لجلجنـــــــي ــــــــــــــــــــــــــــــــــ عوص لهن مع نازح البيد مرمـال الى مشن مديدهن ما يونـــــــــي ــــــــــــــــــــــــــــــــــ لكن حاديهن مع الدو خيـــــــــال مدن من الانجاج حين انهلنـــــــي ــــــــــــــــــــــــــــــــــ والظهر عند صخيف اللون مقيــــال والعصر عند صويحبي بركنــــــي ــــــــــــــــــــــــــــــــــ أبو ثمان كنهن در الاجهـــــــــــال لاجيت موضي يامناي ومظنـــــي ــــــــــــــــــــــــــــــــــ وصل سلامي لبنت ماضين الافعال وقله تراها طالق الحبل منـــــــــي ــــــــــــــــــــــــــــــــــ اللي قصيده يلعبه كل رجــــــــــال مستحيل ان تكون لجديع لانها والابيات التي سبقتها من لسان واحد فهي تتضمن نفس المعاني المفتوله والمنقوضه والبيت لاجيت موضي يامناي ومظني مستحيل لان البدو عيب ذكر اسم المره سوا امامها او امام الناس فالبيت هو لاجيت مضنون عيني ومضني وهذا يدل ان صاحب البيت حرمه لان جملة مضنون عيني يقولونها النساء اذا البيت لا جيت مضنون عيني ومضني وصل سلامي لاخت ماضين الافعال فهده القصيدة هي لقريبة الشاعرة الاولى لقرب الفتل في الابيات جديع يومنه بغاني بغيتـــــــــــــه ـــــــــــــــــــــــــــــــــ ما طمحوني عنه كثر العشاشيــق واليوم يومنه رماني رميتـــــــــــه ـــــــــــــــــــــــــــــــــ رمية وضحي رموه التفاقيـــــــــق جديع أنا حرمت مسكان بيتــــــه ـــــــــــــــــــــــــــــــــ الا مغيب الشمس يرجع لتشريــــق ولا أن صوت الحي يوحيه ميتــــــه ـــــــــــــــــــــــــــــــــ أو ينبلع سم الحيايا على الريـــــق عسى يجيني شيخ ٍ يسمع بصيتــه ـــــــــــــــــــــــــــــــــ سنافي يعطي من طوال السماحيق اما هذه الابيات فهي لشاعرة حضرية وهي القصيدة الوحيدة والواضحة المعاني وتمدح فيها الشيخ |
رد: تصحيح وتوضيح ما حرفه التاريخ
عفوا الابيات هذه
جديع يومنه بغاني بغيتـــــــــــــه ـــــــــــــــــــــــــــــــــ ما طمحوني عنه كثر العشاشيــق واليوم يومنه رماني رميتـــــــــــه ـــــــــــــــــــــــــــــــــ رمية وضحي رموه التفاقيـــــــــق جديع أنا حرمت مسكان بيتــــــه ـــــــــــــــــــــــــــــــــ الا مغيب الشمس يرجع لتشريــــق ولا أن صوت الحي يوحيه ميتــــــه ـــــــــــــــــــــــــــــــــ أو ينبلع سم الحيايا على الريـــــق عسى يجيني شيخ ٍ يسمع بصيتــه ـــــــــــــــــــــــــــــــــ سنافي يعطي من طوال السماحيق هي لنوت معشوقة سعود العواجي او سعود العرافا فهي واضحة المعاني |
رد: تصحيح وتوضيح ما حرفه التاريخ
زبدة الهرج انه كان ابن سعود يرفض نزول البدو الحما باتفاق مع شيوخ القبايل
لتمدين البدو ودفع عجلة التطور والفلاحة وترك الصحراء والجهل في الجزيرة وفي نفس الايطار ايضا قصيدة شليويح المشهورة [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: تصحيح وتوضيح ما حرفه التاريخ
جهز على صفرا تحورد تحوراد
وقعدان يازبن المخيف المذلي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: تصحيح وتوضيح ما حرفه التاريخ
..ّ
ممآقصرت آخوي والحمدلله على نعمه الأمن والأمآن.. |
رد: تصحيح وتوضيح ما حرفه التاريخ
مظلوم اعلاميا مشكور وجزاك الله خيرا على الموضوع الجميل تحيتي وتقديري |
| الساعة الآن 03:18 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
