رجيت الكريم الي بجوده نمد الجود=ولاغيره ارجي لو عذاب الحشى زادي
الايالله اني طالب ٍ من لدنك يعود=غريب ٍ عن الاوطان حاديه كم حادي
يدعيك في ليل ٍ سواده بالارض يسود=وطاب الهناء للي على النوم معتادي
منك الفرج للي عناه الشقى والكود=غدى بينه وبين الزمن حرب وجهادي
برجواك ثم صبره صبر فالليال السود=ولاغيرك الي عالم ٍ خافي فوادي

الي خذاه الموت والقلب يبغيه=عبدالله الفهاد يانور عيني

يابنت منهو مات كفي وخليه=كثر البكى مارجع الميتني
كل ٍ على دنياه والموت قافيه=لكن رب الكون وحده معيني
مير البلا من صد والقلب يغليه=قفى وخلا جرح قلبي مكيني
حي ٍ مع الاحيا وعيني تراعيه=مير السيوف الحدب بينه وبيني

الا يامعين العبد عني على تقـواك=بذكرك وشكرك ثبت القلب وأجبرني
وبالطلف تلطفبي بيوم الحشر نلقاك=حفايا عرايا ماسواك انت تأجرنـي

ياعين لاتبكين لاغرد الورق=وياورق لاتطرب ترا العين تبكيك
وياقصر يلي للهوى داخلك طرق=من قو مدخاله يهز الشبابيك
وحده من الثنتين ياصلف ياحرق=وفي ذيك والا ذيك كثرة بلاويك
احد ٍ لفاك بطيب واحد ٍ دخل سرق=واحد ٍ سعى لجلك وبالصوت يرثيك
الناس ثلت غرب ياراكعن شرق=تجر صوت الديك ويجاوبك ديك

يانفس عن درب الغرابيل توبي=ترا الولي يقبل من العبد لاتاب
هو الذي عالم بكل الذنوبي=ماغيره الي من ترجاه ماخاب
يالله وانا طالبك تستر عيوبي=وأفرج على قلب ٍ من الوقت مرتاب
عبد ٍ رجاك من الزمان مغلوبي=عضه زمان العسر بالضرس والناب