الملتقى الجماهيري للشاعر محمد بن فطيس المري

الملتقى الجماهيري للشاعر محمد بن فطيس المري (http://www.m-f6es.com/vb/index.php)
-   ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)
-   -   غموض السوالف (http://www.m-f6es.com/vb/showthread.php?t=24347)

سااهر 01-04-2019 02:49 AM

غموض السوالف
 
.
.
أنا احتمالي بلغ تسعين بالميه
ان الحقايق مراسيلك تحرفها

بيني وبينك مسافات ضبابيه
سيرة هوانا معك طالت سوالفها

وأنا من اللي يحبون الشفافيه
ماني من اللي عباراته يغلفها

تعال واجلس معي في كل جديه
واشرح غموض السوالف لين نعرفها

وخل النتايج تكون بشرط سريه
فكك رموز الغموضه ثم عرفها

بعد التفاهم تكون حلول جذريه
الحل جذري ما فيه حلول ننصفها

كان انت مقبل عليك اتعبت رجليه
وكان انت مقفي عن المقفين نحرفها

اقفي ولا أجازي الحسنات بالسيه
والناس وش فرقها لولا مواقفها

ابغى التعامل معي في كل وديه
لا تجامل اللي معك تعلن تكاتفها

ما هوب دايم معك روحي رياضيه
نفسي عزيزه ومهما العز كلفها

مبداي ثابت ولا أحب المزاجيه
ناسٍ ليا هزها التيار يجرفها

طرق التفاهم تراها أشياء مصيريه
ما أمشي مسافات دربي قبل ما اكشفها

وارجع رومنسي معك وقت الرومنسيه
وليا وصلت الجد لي مبدأ يوقفها

والناس كلٍ له أهداف وخصوصيه
حب المظاهر هو أكثر ما يكلفها

واللي يحب الفضول وفيه أنانيه
يعلن بنفسه عناوين لتخلفها

ناسٍ يعيشون بأوهام خياليه
يا بخس مكيالها ما أكثر تطففها

أضفيت موضوعنا بعض الشموليه
ووضفته أشياء ما هو مفروض أوضفها

.
.
الشاعر عبدالرحمن الصالحي
.
.


الساعة الآن 08:20 PM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69