بسم الله الرحمن الرحيم
السلام عليكم ورحمة الله وبركاته
لقد فقدت الأبناء والبنات والأخوان خمسه في يوم واحد
ولكن فراق جدتي كان اصعبها على نفسي
وهي التي كان لها الأثر الكبير في جميع مراحل حياتي
بدأت كتابة هذه القصيده في جدتي الله يرحمها عندما كانت منومه في المستشفى وعمر القصائد ماوفت ممدوح حقه

ياعجوزي جعل نفداك منا للجنوب = وحن عيالك يوم ولد الردي ماينفعه
ياعجوزي وابشري دينك اليوم محسوب = ويوم رد الدين يانور عيني ندفعه
ياعجوزي جبتي صقور في العليا تنـوب=كاسبين الطيب من جمتـه لـي منبعـه
ياعجوزي والصقور الهنادي في الخطوب=تلطـم العيـال والضيـم ماهـي تبلعـه
يا عجوزي قد تعلمت منك كيـف اجـوب=نهر بحر وشـر واشيـا كثيـر مجمعـه
يا عجوزي خضتها كني الا فـب حـروب=والوصايا منك سيف(ن) سريع(ن) مقطعه
يا عجوزي قلتي اصبر ولو كنت مغصوب=ماتضيـق الا وتفـرج ويخلفهـا سعـه
يا عجوزي قلتي الـي يعديـك الـدروب=الوفا والصـدق و الكـذب ربـك يقلعـه
يا عجوزي قلتـي الـي يسـود بلقلـوب=قل ذكـر الله وناسبـه وشهـو مطمعـه
يا عجوزي قلتي الما ولا يمكـن يـروب=التمنـي مايفيـدك تـضـل بمعمـعـه
يا عجوزي قلتي المـال والدنيـا لعـوب=لآ تنسيـك القبـر والرسـول ومشفغـه
يا عجوزي قلتي البـر جنـات الهبـوب=والديك اليا حكو طرفك اصحـى ترفعـه
يا عجوزي قلتي الحسد عيب من العيوب=رزق ربـك كافلـه ياولـد ومـوزعـه
يا عجـوزي قلتـي الله غفـار الذنـوب=توب واندم بـاب توبـه وربـك شرعـه
يا عجوزي قلتي اكبر مصايبـك بتـذوب=لي تذكرت الحسن ثم حسين ومصرعـه
يا عجوزي دمع عيني على موتك سكوب=والألم في الصدر والقلب حزنـه صفعـه
يا عجوزي جعل يرحمك عـلام الغيـوب=وقبرهـا يالله طلبتـك عليهـا وسـعـه
يا عجوزي في فراقك ترى قلبي نحـوب=والفراق الله يـا بـري حالـي موجعـه
يا عجوزي بذكرك في شروق وفي غروب=وبذكرك مادمت عايش ولي راس ارفعـه

مرحبا يا محمد
جزاك الله خير يالوافي
والله يهدينا وياك لما يحب ويرضى
مشاطره احزان من اخ كبير اكن له كل الأحترام والتقدير
وصدقت يا الوافي فيما قلت
يعجز اللسان عن الرد على مرورك الكريم
لا خلا ولا عدم من ذا الوجه الطيب
وصح بدنك

جزاك الله خير والله لا يريك شر ولا مكروه
والله يجمل حالك ولا يهينك
صح بدنك
ولا الله لا يخلينا من مثل مرورك الكريم
اخوك

صح بدنك يابو محمد ووجهك ابيض
واللهم امين
وجزاك الله خير
والله يحفظك

صح بدنك يا جابر والله لا يقصر
بك مرورك يا جابر اسعدني
لاهنت