الملتقى الجماهيري للشاعر محمد بن فطيس المري

الملتقى الجماهيري للشاعر محمد بن فطيس المري (http://www.m-f6es.com/vb/index.php)
-   الشعر و الشعراء (http://www.m-f6es.com/vb/forumdisplay.php?f=15)
-   -   هزتني الدنيا وانا ثابت الحيل (http://www.m-f6es.com/vb/showthread.php?t=18142)

هياف السبيعي 09-15-2012 12:58 AM

هزتني الدنيا وانا ثابت الحيل
 

بسم الله الرحمن الرحيم

هذا الجديد اتمنى ان يحوز على رضاكم



ياحامي الكعبه من ابريه والفيل=عجل علي بوسعة الرزق والبال
مليت من زحف الزمن والولاويل=ومليت من طرد الهواء والتغربال
ومليت من مجلس هل القال والقيل=ومليت من صمتاً بلا فعل واقوال
ومليت من جرحاً له اسنين مازيل=ارقب مغيبه لكن اليوم مازال
من كثر ماشاف النظر من تهاويل=غديت احسب خطوتي طيب واخبال
ارجع على عزم المواقيف واشيل=واثني على صوت الإمل صبر واجلال
هزتني الدنيا وانا ثابت الحيل=وياكم قبلي هزت ارجال وارجال
منها استفيد ان الثقه لي محاصيل=وان الخطايا درس والدرس قتال
وان القناعه كنز خلف المقافيل=تلقاه لاشفت العقل صابه اهبال
وان المصيبه كنها عتمة الليل=والنور ذكر الله لها يكشف الشال
وان المواقف والشدايد مناخيل=يبقى قوي العزم لاضام بك حال
على البسيطه جيل قبله سكن جيل=راحوا ومنهم من عطاء درس لأجيال
اسباقهم للموت بالسيف والخيل=ولا سباق اليوم مضمار الأبطال
واسيوفهم تندا من الدم والويل=واسيوفنا تلمع على لال يالال
اجروحنا شابت وحنا معاليل=واشغالنا كثرت وحنا بلا اشغال
حاجه وراثه فوحة البن والهيل=وغيره يطرى مثل حنا بني ال
من يوم شفت الحق رأساً بلاذيل=دريت بأن الوقت مقفي وشغال
ناساً لهم رفعه خذوهم مهابيل=وشايب دخله العلم من هرج جهال
وعلماً يشاع ايصدقه كل حلحيل=ماهو كلام منزل ايات الانفال
صارت سوالفنا غثاء طامي السيل=قلت نوافعها بلادقاق وأجلال
اصدورنا حشره وزلاتنا كيل=واقلوبنا تلهث ورى الوقت والمال
ماعاد يطفي همنا افرات والنيل=ولاعاد يقنعنا التباعد بالإميال
نشكي من العايل وحنا له انعيل=ماندري ان الله عظيماً ومتعال
نبكي من الأنغام ماهو بترتيل=مؤسف لدمع العين لجل اللحن سال
كافى خرافاتاً وكافي تهاويل=وكافى صغير القوم بشماغ واعقال
وكافى على الماضي نجر المواويل=وكافي نبيد الحق بالعمد وأهمال
هذا وباقي بيت شدد منازيل=بين الحنايا اتقول هزات زلزال
لوللحياء صرخه صرخ واني الحيل=ينخى يقول الظل يأهل الوفاء مال



وسلامتكم

فرح الشهري 09-15-2012 01:09 AM

رد: هزتني الدنيا وانا ثابت الحيل
 
الله الله روعــــــــــــــــــــــــــه مرررررررررره جدا راقت لي الابيات


كـافــى خـرافـاتــاً وكــافــي تـهـاويــل . .وكافى صغير القـوم بشمـاغ واعقـال

صح لســـــــــــــــانكـ واعتلى شانكـ وبيض الله وجهكـ ولاهنت والله يعطيكـ الف عافيه على هالابيات الجزله

روابي 09-15-2012 01:12 AM

رد: هزتني الدنيا وانا ثابت الحيل
 
ٍٍ صح لسسانك ٍٍٍ

ٍٍ يعطييك العافييه ٍٍٍ

ٍٍ قصيده رائعه ٍٍٍ

فزاع المرشدي 09-15-2012 01:15 AM

رد: هزتني الدنيا وانا ثابت الحيل
 
ارررررررررررحب يالسبيعي

قصيده جزله وفيها من الحكم والمواعض الشي الكثير

لله درك وصح الله لسانك وبيض الله وجهك

عبدالله سعود المتعب 09-15-2012 03:12 AM

رد: هزتني الدنيا وانا ثابت الحيل
 
الله اكبر الله اكبر الله اكبر

قسم بالله ياهياف ولاهي مجامله هالقصيده ثامن المعلقات السبع

حكمه وسبك جزل وقصيده وافيه من راس صاامل بغيت اقتبس لقيت كل بيت اجزل من الثاااني

الله لايضررك ولافض فووك وصح لساانك وتستااهل حبه الخشممم

ولد نجد 09-15-2012 03:37 AM

رد: هزتني الدنيا وانا ثابت الحيل
 
قصيده رائعه
صح لسانك وبيض الله وجهك
تحاياي

خالد العبيريد 09-15-2012 09:18 AM

رد: هزتني الدنيا وانا ثابت الحيل
 
ياحامي الكعبه مـن ابريـه والفيـل=عجل علي بوسعـة الـرزق والبـال
مليت من زحف الزمـن والولاويـل=ومليت من طرد الهـواء والتغربـال
ومليت من مجلس هل القال والقيـل=ومليت من صمتاً بلا فعـل واقـوال
ومليت من جرحاً له اسنيـن مازيـل=ارقب مغيبـه لكـن اليـوم مـازال
من كثر ماشاف النظر مـن تهاويـل=غديت احسب خطوتي طيب واخبـال
ارجع على عزم المواقيـف واشيـل=واثني على صوت الإمل صبر واجلال
هزتني الدنيـا وانـا ثابـت الحيـل=وياكم قبلي هـزت ارجـال وارجـال
منها استفيد ان الثقه لـي محاصيـل=وان الخطايا درس والـدرس قتـال
وان القناعه كنـز خلـف المقافيـل=تلقاه لاشفت العقـل صابـه اهبـال
وان المصيبـه كنهـا عتمـة الليـل=والنور ذكر الله لها يكشـف الشـال
وان المواقـف والشدايـد مناخيـل=يبقى قوي العزم لاضـام بـك حـال
على البسيطه جيل قبله سكـن جيـل=راحوا ومنهم من عطاء درس لأجيال
اسباقهم للمـوت بالسيـف والخيـل=ولا سباق اليـوم مضمـار الأبطـال
واسيوفهم تندا مـن الـدم والويـل=واسيوفنـا تلمـع علـى لال يـالال
اجروحنـا شابـت وحنـا معالـيـل=واشغالنا كثرت وحنـا بـلا اشغـال
حاجه وراثه فوحـة البـن والهيـل=وغيره يطرى مثـل حنـا بنـي ال
من يوم شفت الحق رأسـاً بلاذيـل=دريت بأن الوقـت مقفـي وشغـال
ناساً لهـم رفعـه خذوهـم مهابيـل=وشايب دخله العلم من هـرج جهـال
وعلماً يشاع ايصدقـه كـل حلحيـل=ماهو كـلام منـزل ايـات الانفـال
صارت سوالفنا غثاء طامي السيـل=قلـت نوافعهـا بلادقـاق وأجــلال
اصدورنـا حشـره وزلاتنـا كـيـل=واقلوبنا تلهث ورى الوقـت والمـال
ماعاد يطفي همنـا افـرات والنيـل=ولاعـاد يقنعنـا التباعـد بالإميـال
نشكي من العايل وحنـا لـه انعيـل=مانـدري ان الله عظيمـاً ومتـعـال
نبكي مـن الأنغـام ماهـو بترتيـل=مؤسف لدمع العين لجل اللحن سـال
كافـى خرافاتـاً وكافـي تهـاويـل=وكافى صغير القوم بشماغ واعقـال
وكافى على الماضي نجر المواويـل=وكافي نبيد الحـق بالعمـد وأهمـال
هـذا وباقـي بيـت شـدد منازيـل=بين الحنايا اتقـول هـزات زلـزال
لوللحياء صرخه صرخ واني الحيـل=ينخى يقول الظل يأهل الوفـاء مـال


هلا بشاعرنا هياف وهلا بجديده,,

لو تحدثت كثير ياهياف والله ماوصفتك,,

الله لايضرك ياهياف شاعر أحساسه يفرض المعنى ويصوغه على مايبيه,,

صح الله لسانك وصح قلبك وكلك ودمت ياهياف فخر للشعر والمعاني الجزله ,,

تقديري وأنتظر الجديد .

محمد راشد العويلي 09-15-2012 10:20 AM

رد: هزتني الدنيا وانا ثابت الحيل
 
شاعر مميز والله صح السانك ياريت كل الشعراء مثلك والله بدون مجامله ونه اكره المجامله بلشعر لاكن والله انته ششششششششششششششششششاعر مبدع عيشتنا جو شعري جميل صح السانك ولا تحرمنا من جديدك
وياريت على غير بحر حته نعيش المتعه مع ابداعاتك يامبدع تقبل تحياتي

عامر صالح ال شنيف 09-15-2012 10:24 AM

رد: هزتني الدنيا وانا ثابت الحيل
 
ارحب يا هياااف صح الله الساانك وعتلا شاانك جزل ثم جزل
والله لا يضرك ومشاء الله عليك
اهنييييييييييك على هالفكر الرااقي وعلى هالضمير الحي
من كل قلبي
لذلك اقف لك وقفت شكر وتقدير على ما كتبت من درر
فبيض الله وجهك ولاهنت والله يرفع من مقداارك

زعيم الطيب 09-15-2012 11:22 AM

رد: هزتني الدنيا وانا ثابت الحيل
 
بيض الله وجهك على هالابيات الجزله


الساعة الآن 07:02 PM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69