الملتقى الجماهيري للشاعر محمد بن فطيس المري - محاوره الشاعر والناقد سلطان الحجاز وابوحاتم السفياني

عبد الله
ياسلامي على اللي شاف بالدرب عينه..... يعر ف الدرب ماضيّع وراعي صلاحي
الله يجعل على القوه تطول سنينه....دام دربه سوي ف طرقة اهل الفلاحي

أبوحاتم
مرحبا بالذي يدري عن الدرب وينــه ،،،، وإن مشى مشيته ـ مثل الجمل في البراحي
كــم قلوباً تجينــا من زمنها حزينــــة ،،،، ثــم ترجــع وهي فيهــا فــرح وانشــراحي

عبد الله
القمر منزله عالي وتحته مدينه..... شع نوره و صار الـليل بفـعـل ماحـي
كم رجل قال انا لكن تلوى يمينه..... من رجلا لها في العرف زرق الرماحي

أبوحاتم
وش مصير القمر ـ والصُبـح بادي جبينــه ،،،، شـوف نـور القـمر ـ يمحاه نور الصبـاحي
واخر الــوقت ما ضاق البـَــحَر بالســفينة ،،،، قــودها ـ قــودها ـ مابين موج ـ وريــاحي

عبد الله
المعالي لمن يرقا بقـوله وديـنه..... يثبت القـول بفعاله وجد الكفـاحي
در غالي وله تاجر وقيمه ثمينه .... عند رجال ماضيع ولا الدر راحي

أبوحاتم
بـعـْد فاح القِـدِر تطلب ـ ذبـيحة سمينة ،،،، فـاح قِـدْرَك ـ وأناقـدري ـ بما فيــه فاحي
أنت رجـْلاً ـ تبي تـدهن سيور المكينـة ،،،، وانا رجـْـلاً على ماقيل ـ مجنـون صاحي

عبد الله
تسمع الرعد لكنك تجاهل دنينه,,,,,اه يوم انت شايف نوظت البرق لاحي
ارتقا الذوق فالروعه وفكره حصينه،،،،،تلبس المفرده عز الشموخ المباحي

أبوحاتم
خـَلّ صاحبـْك في حاله ـ بزينـُه وشينـُه ،،،، مانا باللي رضايـه ـ ينـشري بــ امـتـداحي
عِـدكـُــم شاربينـَـه ـ والطعــام أكلينـَــه ،،،،، وش بقي عندكـم ياهل الشحَـم والـقراحي

عبد الله
قلت بلهان وينه قلت لي دافنينه,,, ونت تقبر ولا ترحـم وجبت المساحي
انت مجنون صاحي تدرج في عرينه,,, وانت مابين وقفه راقفه وأن بطاحي

أبوحاتم
لوتَعلق قـــلايدها ـ على الصــدر زينـة ،،،،، قلتَ : واحظيَ اللي كـل ما قـام ، طاحي
جيت تروي لنا ـ سيرة جميل وبثينــة ،،،،، لاعطـَتــْه الحنان ولا ألبسَـتـْه الوشاحي

عبد الله
افتقد نا ا لمنسق سلم الـلـه يمينه ، ، ، ، وبن مسلم على التنسيق وا لسر با حـي
المدافع خسروصبح كما دمع عينه ، ، ، ، ذاب من قوت الرميه كما ا لشمع ساحي

أبوحاتم
ياطـويـــر الضُـرُم ، يابو حـــلايا حسينــة ،،،، رحت ما بيــن ، منقـاري ، وكفخت جناحي
كل ما اعطيك حبـة قمـح ، تصبح عجينـة ،،،، فيك من معرفة مطلق ، وصوت الرياحـي !!

عبد الله
سـَـلّ روحك وقلبك طمنه بالسكينه .... قبل ماتنقرص من داب سمه ذحاحي
انت شاعر ومبدع مثل شاعر جهينه .... اتوقع لك الموسم وشاعر سياحي

أبوحاتم
ياعسى الله يعين ، اللي عسى اللـه يعينـه ،،،،، ياقــرون الضبى ، مالِك ومال النطـاحي
مالقينــا فـَطيـــن ـ الا وقعنا ـ فـِـ ،طينـــة ،،،، يانسب شيخ حي ويانسب شيخ ( باحي )
عبدالله
ودع الله وقاف الشعر من ناقدينه....لا تسوي علينا مثل قصت مناحي
لوخلطت العسل بالسم ناتج غبينه.... ودمح الي دمحته مع وجود السلاحي

أبوحاتم
إظهروا لي عِـكاك السمن ، ياحاقنينه ،،،،، واصباحي ـ مَن اللي دسّها ، واصبـاحي
سُـمَّ ـ ما تسلمونه ـ والعسل سالمينـه ،،،،، ياسـلامي عليكـم ، يالرِجال ـ الفِـــلاحي

عبد الله
يابوحاتم علامك يابو نيه لعينه .... تظلم الصاحب اللي فوق وسق السناحي
ثوبك ابيض ولايخفي رسوم الفلينه ... وانت تبغي نجاحك وانا ادور نجاحي