|
رحله علاجه
السلاام عليكم ورحمه الله وبركاته اخواني اعضاء ومشرفين منتدى الشاعر الكبير المميز محمد بن فطيس انا بعد يومين بروح رحله علاجيه والله اعلم ارجع مثل ماناا ولى ارجع على تابوت ارجو من الجميع التغاضي على اي هفوه بدرت مني والدعا من الجميع وصراحه تواجدي هنا كاانت بالنسبه لي ايام جميله مع ناس اجمل انا مالقيت بمكان اطرح فيه موضوعي قلت بطرحه هناا مكان الموضوع الي حذفه الاخ خالد سهيل العبيريد عندي مشكله دايم اسوي خروج من المنتدى ولارجعت القى مكتوب تم تسجيل الدخوول استوووووودعكم الله وياخالد الظاهر وجودي بقسم المحاوره ثقيل على نفسك والدليل حذفك للابيات الي وجهتهاااااا لك احترامي للجميع |
رد: رحله علاجه
اسال الله العظيم ان يشفيك ويقوامك بالسلامه
وان شاء الله تراجع لنا بالسلامه يارب وانت شاعر كبير ومبدع وبانتظار جديدك وابداعتك ... |
رد: رحله علاجه
الله يشافيك ويذهب عنك الباس وترجع لنا بسلامه ربي يسعدك وموفق اخوي
|
رد: رحله علاجه
الله يشفيك
|
رد: رحله علاجه
وعليكم السلام ورحمة الله وبركاته ,,
هلا مرحبا يابو سعود حياك الله ,, الله يكتب لك الشفاء العاجل ويسهل عليك إن شاء الله وقبالك الخير يارب ,, وثانيا ً يابو سعود قبل اقول انك منت ثقيل لاعلي ولاعلى غيري القسم له نظام ماشي عليه يالقرم ,, ان الابيات اذا ماكملت من كم يوم تنقل للارشيف وانا تواجدت وكلمتك ذاك الليل وقلت لك تعال ولاجيت والليله الي بعدها كلمتك وقلت جايك ولاجيت بعد وبعدها كلمتك ونفس الحكايه وانت تدري مايحتاج اقول هالكلام هناء والا غير ياعبدالله و واجب علي انقل الابيات ياخوك على شان القسم يكون متنسق مثل ماتشوف والتقصير بلا شاك وارد مني معك ومع غيرك والا بقول خطاء ماهوب تقصير اكرام لخاطرك مثل ماتبي لكن تمنيت اني ماشوف ظنك يجي هالموقف والله شاهد علي ولكن ماعلي تخبرني دايم متغاضي عن الامور الهينه ,, وأهم شي انت تدري زين وش أكن لك في قلبي من قديم لاعن منتدى ولاعن غير من يوم عرفنا بعض ولابيننا غير الوفاء ياعبدالله لكن الله يسهل عليك الامور والعوض في شوفتك بعد غيابك ان شاء الله يالمتعب ,, وأعرف انك عزيز علي وكل الشعراء الي هناء عزيزن والله شاهد علي ولاودي احذ ف اي موضوع بالعكس ابي القسم كل ليل طاروق جديد لكن على الله يابو سعود سافر والله يسهل عليك وان شاء الله نفرح بشوفك وترجع اطيب من حالك هالحين ,, كل تقديري وخالص تحياتي لك وأمنياتي لك بالشفاء العاجل ولكل مسسلم . |
رد: رحله علاجه
ابو اسعود تروح وترجع بسلامه وانت راعي محل مايحتاج اخ عزيز وغالي
واسئل الله رب العرش العظيم ان يشفيك وتقبل تحاتي اخوك سنجار |
رد: رحله علاجه
تروح وترجع بالسلامه انشالله والأستاذ خالد مايجي يمه قصور وكثير يحصل سوء الفهم بين الاخوان <ملقوفه ههههه<المهم بس ترجع بالسلامه سوي طاروق بينكـ انت وابو سهيل وترانــي حاجزه في صفكـ ولاهان الاستاذ هههه
|
رد: رحله علاجه
روحه وجيه بالسلامه
|
رد: رحله علاجه
ماتشوف شر عبدالله
ويارب ترجع بالسلامه وانت طيب ومتعافي وسلامتك اخوي عسى الله يكتب لك الشفاء العاجل |
رد: رحله علاجه
الله يسلمكم ويعافيكم يالغااااااالين ولاهنتوو جميع ولاهانت قلوبكم الطاهره النقيه
الف مشكور لكل من مر من هناااااا لكم اجمل باقه ورد واجل احتررررامي |
| الساعة الآن 10:47 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
