رد: ღ*~ متـــع ـــــة الـــح ـــــديث ~*ღ
 

واللحين هذي هي ابيات المشاركين
وبيتم اضافة 300 سمعة كتكريم لما قدموهـ من عطاء

عالية ،،
يابنت يـــاللي على بعد الحــــــمامه تنوحين ...
..............,,,,, ليت البشـــــر يا رمز مثل الحمامه يسلون


ماجد الشيباني ،،
ياحمامه شوفتك تشرح الروح
000000وين غبتي عن عيوني ياحمامه


ريشك ابيض كنه لشاش الجروح
000000كم تداوي في خفوقي من ملامه



سعيد القحطاني ،،
يامرحبا ياعذبة الصوت واهلين
ترحيبة الغالي ليا شاف غالي

أنا ادري انك من زمانك تعانين
واللي جرالك ياحمامه جرالي

من اول ابكي لا سمعتك تنوحين
واليوم قربتي وجيتي قبالي

باصارحك ماودي انك تغيبين
توي دريت ان حالتك مثل حالي

تكفين يازرقا الجناحين تكفين
عودي علي لا تتركيني لحالي


محمد بن عبد الهادي المري
جيت للموعد وتضميد الجروح
ـــــــــــــــــــــــــــــــــــــــ وانتظرت من الصباح الى الصباح

مالقيت الي تشكا لي بنوح
ــــــــــــــــــــــــــــــــــــــــ وقمت ابادل بالحنين وبالنياح

يا حمامه ليش قاطعتي السطوح
ــــــــــــــــــــــــــــــــــــــــ واصلي قلب ٍ على النوح استراح

في غيابش محجر عيوني يفوح
ــــــــــــــــــــــــــــــــــــــــ والحزن والاه للقلب استباح

صح انا رمز النقاء في ذات روح
ــــــــــــــــــــــــــــــــــــــــ وصح صرتي رمز تضميد الجراح



وفي النهاية ،،
اشكر كل من شارك وتواجد وقيم
وحتى من مر هنا بدون ان يضع اي بصمة
جميعكم زدتم الموضوع نجاحا واشراقا
يكفيني عدد من تواجد هنا حيث كان عدد الاعضاء 60 عضو
ان دل على شيء فهو يدل على نجاح الموضوع
وهذا يدعو للاستمرار والتقدم للامام بكل قوة

اقدم لكم احبتي جنائن من جميع انواع الورد لارواحكم