يالعـقاب
يالعقاب اللي على المشراف وسع لي تراني = ضايق (ن) من عاما الاول وادهله قبلك وادله يوم ربي قد كساك بريش وش لك في مكاني = ماتخاف من العقوبه يوم تاتيه وتحلـه دام لك جنحان وش تبقي بمشراف البياني = خل مشراف الفقير اللي بلا جنحان خله ذا مكاني يوم رمح الغدر من حره زواني = ما لختالي علي حجه وانا سله ودله وهو على ماقيل شماعة همومي لابلاني = صاحب(ن) ياكل يديه وهو على مذهب ومله وهو ملاذي عقب خالقنا جميع الى ضواني = ظيقة فالصدر ولا جاتني للدمع خله لابديته ماحسد راع الترف واهل المباني = يحسبون ان فرقهم واضح علي واقول لله سجة في راس مشرافي وانا اغطرف الاغاني = والله انها في عيوني عن مية فندق وفله فيه احس اني على احسن حال واني شخص ثاني = واتحلل من حرام الهم لاجينه واحله وذا مكاني عقب ماصبري على كبدي كواني = والله ان كني عقب فرقاه بين كفوف مله واحد(ن) زله حشاي ومسكنه بين المحاني = مسكنه بين المحاني والحشا والصدرزله قلتها له قبل لا وقتي على الشعر يحداني = خايف مالله يتمم واعرف ان فلان عله قال خل اشكوكك اللي تترك الراوي ظماني = مايصيبك في جبينك من خلقك الله تشله قلت ذا والله بلاي واشوف وش مدة زماني = لايكون اللي كتب لي (فارقه من غير زله) لا تضيق من التشاؤم واحتمالات الأ ناني = خايف(ن) اشرب بعد كاس النصر كاس المذله قال وش تبغي بحكي الحزن والدنيا فهاني = لاتعيشنا زمان الحزن قبل يحل حله قلت ماتدري وانا الداري بعاقبة التماني = غير عاهدني وريحني واشل الحزن كله قال شفت الموت لو بيدي ماهو كفو لخذاني = بس لاتشره علي لو لبسوني غصب حله قلت اجل وانا وفاي من الجدي حتى اليماني = مرتضي غيرك ولااظنه ولاظني لابالله قال اجل سلم على روحك وانا كلي تهاني = يوم عرسك والله ان اهل مجدولي وافله وراحت اسنين التلاقي مشيها مشي الثواني = مادرى عن حبنا الا ظل محبوبه وظله غير حول يالعقاب وخل مشرافي تراني = ظايق(ن) من عاما الاول وادهله قبلك وادله قلتها ماقصدي انه يقال صح الله لساني = قلتها لعيون من سبب كتابتها لعله محمد بن حمد |
رد: يالعـقاب
الله يحفظك و لا يوذيك يا بو حمد
صح لسانك .. ابدعت يالشاعر " عيوني حزينه" سلمت يمناك و لا هنت |
رد: يالعـقاب
عيوني حزينة نقل اكثر من رايع وصح السان ابو حمد درر
|
رد: يالعـقاب
.
. صح الله ألسان أبو حمد قصيييدة ٍ جزلة من شاعرنا الجزل . لاهنت أبووي ,, :) |
رد: يالعـقاب
الله يعطيك العافيه على هالمجهود بانتظار جديدك دمتِ بود |
رد: يالعـقاب
9aa7 elsaaan el shaa3r
o ma ga9artooo |
رد: يالعـقاب
.... قصيده حلوه .... صح لسان شاعرنا ... والله يوفقه
لاهنت ع كتابت القصيده ... واصل ابداعك ... تقبل مروري |
الساعة الآن 03:05 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010