الملتقى الجماهيري للشاعر محمد بن فطيس المري - أهداء لمقام خادم الحرمين الشريفين

- الشعر و الشعراء (http://www.m-f6es.com/vb/forumdisplay.php?f=15)

- - أهداء لمقام خادم الحرمين الشريفين (http://www.m-f6es.com/vb/showthread.php?t=5334)

أهداء لمقام خادم الحرمين الشريفين

يالله يامنشـي صـدوق المخاييـل=ياعالـمٍ سـر العبـاد وجهرهـا

تنشي على شبه الجزيره هماليـل=وتشمل مرابعهـا بكامـل ديرهـا

وتعزني يامنزل الوحـي جبريـل=لامـن وقفـت بوقفـةٍ افتخرهـا

وانا علي اميح من شاطـئ النيـل=واسقي بنات الفكر صافي دررهـا

واسخر من جزال المعاني تماثيـل=واليا طرت لـي فكـرةٍ ابتكرهـا

والموقف اكبر من لحون المواويل=واكبر من جبال السراه وصخرها

في مدح ابومتعب زعيم الرجاجيل=حـرٍ تعـلا النايفـات وكبـرهـا

مليكنا اللي لـه معـزه وتبجيـل=واللي ملك حبه مشاعـر بشرهـا

هذا الكلام الصدق ماهـو تتاويـل=محبةٍ يعلـم بهـا اللـي سخرهـا

نفنى وحبه ورث جيل بعـد جيـل=حتى تساق الناس لارض محشرها

تاريخه مخلـد ولايمكـن يزيـل=وامجاده يفاخر بها مـن ذكرهـا

حكيم ومحنـك وحـازم وحلحيـل=وافعاله تهيب العداء من سطرهـا

ومده كما غيثٍ سقا الارض بالسيل=الين تنبـت كـل قـاعٍ زهرهـا

يعطي ويدبل في عطايـاه تدبيـل=واكبر دليل بنـوده اللـي ومرهـا

ياخادم البيتيـن نغليـك بالحيـل=احدٍ يلوم العين لاغلـت نظرهـا

في غيبتك من حزننا نسهر الليـل=ونطلب لك الوالي يصفي كدرهـا

وكلاً بعد ماجيت سـاق الهلاهيـل=حتى الحمام الساجعه في شجرهـا

والشعب من دونك بحدب المصاقيل=عقـب غـلامٍ قادتـه مانصرهـا

ويــام ٍحزامك لاحصل فالدهر ميـل=لن حن مقابيس الحروب وخطرها

وسلامتكم