|
الحمد لله والشكر
السلام عليكم ورحمة الله وبركاته اتمنى ان ترتقي بي الى حدود ذائقتكم الرااقيه لا ينشغل بالك من الدنيا و اخذ منها العبر ــــــــــــــــــــــــ ما نقدر نغير قواعدها ولا موالها وش فيك تصفق بالكفوف وبالخدود وبالصدر ــــــــــــــــــــــــ اطلق حجاجك وانسف بغترتك فوق عقالها عطني يدك لا يابعد دنياي و آمرني امر ــــــــــــــــــــــــ وان قدّر الله شلت عنك من الهموم ثقالها قم واجلب الرسلان و أركدها على جمر السمر ــــــــــــــــــــــــ واذا استوت بقنادها درّج علي فنجالها واذا اعتدل كيفي عطيتك من تجاريب العمر ــــــــــــــــــــــــــ درس ٍ درسته من قسى الدنيا وبعض احوالها الأوله ما يذبح عزوم الرجال الا الفقر ــــــــــــــــــــــــــ ولا يرفع اشباه الرجال الا كثير اموالها المال خلا الببغا توكر مواكير الصقر ـــــــــــــــــــــــــــ لكن لا جات اللوازم ما تشوف افعالها والثاتيه اصبر على ماجاك لو طال الصبر ـــــــــــــــــــــــــــــ وارضى بمقسوم ٍ حصل والمقبلات بفالها والثالثه تكفى تراه اكبر خطا وادهى و امر ــــــــــــــــــــــــــــ ركز معي و أنس الامور الباقيه واشغالها لا تجرح اللي لك بقلبه حب واخلاص وقدر ـــــــــــــــــــــــــــ ومن زود حبك صد عن كل العرب واقوالها يمد لك كاس الهنا وتحط في كفه جمر ــــــــــــــــــــــــــ اشوا لك انك تموت قبل المعرفه واشوا لها والغايب اللي غاب دامه لا رجع معه العذر ـــــــــــــــــــــــــــ فأرض التسامح والسموحه كلنا نسعا لها والصدق واجب واحترام الغير في هرج ونظر ــــــــــــــــــــــــــــ احسب مخارج كلمتك قبل تحسب مدخالها وتشكي المحبه والجفى ... الحمد لله والشكر ـــــــــــــــــــــــــــ هو به حد ٍ ما مس كبده طعنة ٍ بخلالها اما حزن والا قهر والا وجع والا سهر ــــــــــــــــــــــــــ اصبر ما دامك جيت سكتها وشفت اهوالها ترا المحبه حاجتين اما بحر والا نهر ــــــــــــــــــــــــــ وانت ونصيبك بين حر شموسها وظلالها بس النهايه مالنا من واقع الدنيا مفر ــــــــــــــــــــــــــــ فتره بسيطه وان تمادينا نعيش اطلالها اعطي عِبر وانا بحاجة من يلقنّي عِبر ــــــــــــــــــــــــــــ و اعززك وانا عيوني ما وقف همالها وسلامتكم |
رد: الحمد لله والشكر
ماشاء الله / صح لسآانك محمد
وربي ابداااع ولو بيدي تميز لميزها قصيدتك تجنن بكل مافيهآ تسلم شاعرنآ الله يحفظك يآارب صح محمد سؤال إيش معنى : الرسلآن اسمعها دائمآ بس ماجات فرصه اسأل ابويآ ض40ض12 |
رد: الحمد لله والشكر
اقتباس:
لله دررررك من شاعر كل ماوقفت على بيت بقتبسه دعاني اللي وراه مبدع مبدع مبدع ومافيك حيله . اعطي عِبر وانا بحاجة من يلقنّي عِبر ــــــــــــــــــــــــــــ و اعززك وانا عيوني ما وقف همالها تقيييمي . |
رد: الحمد لله والشكر
محمد المري
صح لسسانك قصيده جزله من شاعر جزل بنتظار ابداعاتك |
رد: الحمد لله والشكر
محمد ابدعت ابدعت ابدعت
لله درك ودر هالقصيد , صح الله لسانك تقييمي .. لموووس امآآ سؤالك هع من جدك ! |
رد: الحمد لله والشكر
صح لسانك اخوي على الدرر الممزوجه بماء الذهب
الله يعطيك الصحه والعافيه |
رد: الحمد لله والشكر
لا ينشغل بالك من الدنيا و اخذ منها العبر ــــــــــــــــــــــــ ما نقدر نغير قواعدها ولا موالها وش فيك تصفق بالكفوف وبالخدود وبالصدر ــــــــــــــــــــــــ اطلق حجاجك وانسف بغترتك فوق عقالها عطني يدك لا يابعد دنياي و آمرني امر ــــــــــــــــــــــــ وان قدّر الله شلت عنك من الهموم ثقالها قم واجلب الرسلان و أركدها على جمر السمر ــــــــــــــــــــــــ واذا استوت بقنادها درّج علي فنجالها واذا اعتدل كيفي عطيتك من تجاريب العمر ــــــــــــــــــــــــــ درس ٍ درسته من قسى الدنيا وبعض احوالها الأوله ما يذبح عزوم الرجال الا الفقر ــــــــــــــــــــــــــ ولا يرفع اشباه الرجال الا كثير اموالها المال خلا الببغا توكر مواكير الصقر ـــــــــــــــــــــــــــ لكن لا جات اللوازم ما تشوف افعالها والثاتيه اصبر على ماجاك لو طال الصبر ـــــــــــــــــــــــــــــ وارضى بمقسوم ٍ حصل والمقبلات بفالها والثالثه تكفى تراه اكبر خطا وادهى و امر ــــــــــــــــــــــــــــ ركز معي و أنس الامور الباقيه واشغالها لا تجرح اللي لك بقلبه حب واخلاص وقدر ـــــــــــــــــــــــــــ ومن زود حبك صد عن كل العرب واقوالها يمد لك كاس الهنا وتحط في كفه جمر ــــــــــــــــــــــــــ اشوا لك انك تموت قبل المعرفه واشوا لها والغايب اللي غاب دامه لا رجع معه العذر ـــــــــــــــــــــــــــ فأرض التسامح والسموحه كلنا نسعا لها والصدق واجب واحترام الغير في هرج ونظر ــــــــــــــــــــــــــــ احسب مخارج كلمتك قبل تحسب مدخالها وتشكي المحبه والجفى ... الحمد لله والشكر ـــــــــــــــــــــــــــ هو به حد ٍ ما مس كبده طعنة ٍ بخلالها اما حزن والا قهر والا وجع والا سهر ــــــــــــــــــــــــــ اصبر ما دامك جيت سكتها وشفت اهوالها ترا المحبه حاجتين اما بحر والا نهر ــــــــــــــــــــــــــ وانت ونصيبك بين حر شموسها وظلالها بس النهايه مالنا من واقع الدنيا مفر ــــــــــــــــــــــــــــ فتره بسيطه وان تمادينا نعيش اطلالها هذي قصيدة لوحدها صغت فيها من التجربه لله درك شاعر يجيد الشعر عن بكرة أبيه اعطي عِبر وانا بحاجة من يلقنّي عِبر ــــــــــــــــــــــــــــ و اعززك وانا عيوني ما وقف همالها واما هذا البيت لوحده قصيدة ثاااااااااااااااااااااااااااااااااانيه ياخي مدري وش اقول صح الله السسسسسسسسسسسانك وبيض الله وجهك امتعتني وحسيت إني أمام بحر مشاءالله |
رد: الحمد لله والشكر
اقتباس:
صح الله بدنش يا الماااسه يا شيخه مرورش يكفي القصيده تميز وربي هههههههههههههههه لا خلاص لا تشغلينه مو فاضي لش وبعدين احسن لش يمكن لو سالتيه يخمش باقرب حاجه عنده عجوووز ولا تعرفين رسلان هههههههههههههههه هذي الله يسلمش من اجود انواع دلال القهوه ادري مو مصدقه بتروحين تسالين الوالد هههههههههههههههههه سلمتي من كل شر |
رد: الحمد لله والشكر
اقتباس:
مرحبا مية مليووووون اشكرش على الاطراء والاشاده المشرفه ولولا تشجيعكم ومتابعتكم ما قدرنا نجيب شي وصح الله بدنش يالغاليه ودي |
رد: الحمد لله والشكر
اقتباس:
مرحبا ماجد وصح الله بدنك والله لا يهينك على الحضور ا لمشرف |
| الساعة الآن 11:14 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
