..آول شعاع الشمس..
 

اول .. شعاع الشمس صحوة وآخره .. جثة شهيـد
والبحر .. يبكي شايـل الجثـة علـى راس اصبعـه

على .. امل قطع المسافـة .. لكـن المرسـى بعيـد
والريح تعزف داخـل اعماقـي .. أنيـن الأشرعـه

بدايـة الرحلـة جليـد ويمكـن آخرهـا .. جلـيـد
والمرحلـة بيـن ((البدايـة والنهايـة)) .. معمعـة

ايـدٍ تودعنـي هنـا .. وهنـاك تستقبلنـي .. ايـد
هيهـات يستقبـل غريـب الـدار حضـن مودعـه

امتعتي احلام وطموح وشـي ومـن نـزف القصيـد
لهنـاك تحملنـي تخيّـل شخـص تحملـه امتـعـه

في داخلي .. صوتٍ يقول ارجع وسافر من .. جديـد
يمكن .. تحصل نصفك المفقـود وتسافـر .. معـه

ماينبنـى حاضـر مجيـد الا علـى ماضـي تلـيـد
وعذوبة آخـر جـدول المـا مـن عذوبـة منبعـه

وانا وحيد وميزتـي فـي هالحيـاة انـي .. وحيـد
احيـان .. يتبعنـي ظلالـي وان تراجعـت اتبـعـه

يجوز ما ادري وش هي اهدافي ولا ادري ويش اريد
بس .. اعرف انـي منفـرد لايمكـن اكـون إمعـه

عنـدي يقيـن ان الحيـاة اضـداد والشـي الاكيـد
ان احتكـام الضيـق مهمـا طـال مفتـاح السعـه

وان البشر بـذرة قـدر مابيـن مـزروع وحصيـد
وان القدر في ظرف لحظـة يحصـد اللـي يزرعـة

وان الخسـارة حمـق متضـرر وحنكـة مستفـيـد
وان الفتـى يجمـع لعمـره وان عمـره يجمـعـه

وان افضل المعروف مايفـرج بـه الكـرب الشديـد
والخيـر درء الشـر واقصـاء المضـرة منفـعـه

عقدين .. وانـا استعبـد الاحـرار واحـرر عبيـد
في مملكة .. فكري .. وقدراتي .. ((جيوش موزعه))

اعيش .. ما عاشوا ملوك الارض في .. ثوب الزهيد
في .. زحمة الشارع وكني في .. سكون الصومعـه

فراستي .. تكشف قناع ابلد ذكـي .. واذكـى بليـد
المشكلة .. في هالزمن .. حتى ((للأصوات اقنعـه))

اتمني أن تروق لكم
مماراق لي

رد: ..آول شعاع الشمس..
 

الفلوه والذوق متلازمان في الابداع
تقيمي

رد: ..آول شعاع الشمس..
 

الفلوه والله انش جبتي لنا شاعر والله مدري وش اقول هو شاعر هو فيلسوف

هو عالم نفس بس الصراحه كل بيت اجمل من الي قبله صح الله لسانه

والله يصح حالش وبنانش وذووووقش الملك صراحه

رد: ..آول شعاع الشمس..
 

الفـلــوهـ

سلمتي لنا وسلمت اناملكـ الذهبيه

على هذا الطرح الاكثر من رائع

لقد كتبتي وابدعتي

بنتظار ابداعاتكـ

رد: ..آول شعاع الشمس..
 

صح ذووووقك يآلغــلآ

رد: ..آول شعاع الشمس..
 

تسسسلمين غــلاتي


ويسلم لــــي ذوقتس الروعه

رد: ..آول شعاع الشمس..
 

تسسسلمين غــلاتي


ويسلم لــــي ذوقتس الروعه

رد: ..آول شعاع الشمس..
 

على .. امل قطع المسافـة .. لكـن المرسـى بعيـد
والريح تعزف داخـل اعماقـي .. أنيـن الأشرعـه

الله الله مبدعه .. تسلمي
ودي+++

رد: ..آول شعاع الشمس..
 

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
لاهنتم جميعكم تقدير وشكري الجزيل لكم
وردالكون لقلوب تسكن ارواحكم النقيه

رد: ..آول شعاع الشمس..
 

الفلوه
يعطيك العافيه الصوور الشعرية روووووعه
واكيد دامه ذوقك بيكون زييين وجنااان
صح لسانه

ودمتي بوود