|
مرثية في والدي ....................
السلام عليكم ورحمة الله وبركاته
حبيت اشارك معكم في مرثيتي في والدي الذي وافته المنيه مغرب الاربعاء 25-12-1431هــ رحمه الله رحمة واسعه ........................ مدخل .... ليت المنايا لانوت نزع الارواح تعطي خبر ماتفجع الحي بالميت ................... ...................................... صدمـة زمن ونـة حزن دمعــة فراق***تجـمعــن بغــياب شمس الربـوعي مع عبرةٍ بالجوف من بين الاعمـاق***مع شهــقةٍ هزت محاني ضلوعي تجــمَعــن والحــزن للدمـع دفـــــــاق***لحــظـة وداع ٍ مابــعــدها رجوعي منها انذهلت وصرت في موقفٍ شاق***من مــشهدٍ قــدام عــيني يــروعي اشوف ابويه بين زفرات وشهــاق***في حــزةٍ ماتــفــيد فــيها الفــزوعي ابكي وانــادي يايــبه بس مـــافــاق***ادري بوضــعه بس ماني قــنــوعي واصــيح للــدكتور واليـاس مــنساق***مالــي جـدا ماغـير هـــلَ الـدمـوعي ثم انخفض ضغـطه ويبسنَ الاريــاق***والــمــــوت حــلَ ولاتـفــيد الــدروعي واناظر الشاشه وانا بحالة ارهاق***لين انقطع صوت الجرس عن سموعي برهة زمن والتفت الساق بالساق***انا اشـــهد ان الــموت سـيفـه بــتوعي ثم شـالوا اسلاك المغـذي والاوراق***واقفوا بجسمه غـصب ماهـــو بطوعي واقفيت من عنده وانا تقل منعاق***اجــــــر رجـليـــه ويكــــــثـر وقوعي في ذمتي بعده علي الفضاء ضاق***اظــلم نهاري وانطــفت به شــمــوعي عيني سكنها الحزن والنوم مالاق***عشــرين لــيــلــه والزياده اســـبوعي اسهر من غياب الشفق لين الاشراق***ولـــيـا انـتهـى لـيـلي توسـدت كـوعي وليا غــفـت عـيني لـمـح تـقـل براق***طــيفه يــصــحيــني ويــزداد لـــوعي يالله عــسى قبره مسـاحاته آفــاق***فــيـه الـنظـر يـمتــد مــاله مـنوعي وبـجــنة الفــردوس فـي منزلٍ راق***من الثــمر يقطــف على كل نوعي هــذي هـي الدنـيا بهـا الـمر ينذاق***وانــا مـن المكــتوب ماني جـزوعي الـعـمر رحـلـة درب والـمـوت دراق***لابــد سـهـم الــموت يــاتي فــجـوعي ،،،،،،،،،،،، مخرج: يالله ياللي رحمتك مالها حدود تعفو وترحم عن عزيزٍ فقدناه معجب عبدالله السليمي |
رد: مرثية في والدي ....................
الله يرحم والدك ووالدينا جميع والله يسامحك ياويش ادخلني علي قصيدتك اليوم بعد ماكنت سالي ماحسيت الا ودمعي من العين سالي
لاتعليق. |
رد: مرثية في والدي ....................
الله يرحمه الله يعطييييك العافيه ...ودي.. آهات
|
رد: مرثية في والدي ....................
البقااء لله وحده
كل ابن ادم ماش على هذا الطريق ..معجب السليمي صح لسااانك يالجزل في هالمرثيه ابدعت في اختيار حرفك المميز تحيتي لك ورحم الله والدك وجميع المسلمين |
رد: مرثية في والدي ....................
الـعـمر رحـلـة درب والـمـوت دراق***لابــد سـهـم الــموت يــاتي فــجـوعي
ياسلام يامعجب قصيده اثرت فيني يالغالي والله يرحم الوالد ويجعله انشاءالله من اهل الجنه امين وجميع اموات المسلمين وقصيده قمة الروعه اشكرك عليهاا يالغالي ونا ماقول الا اشكرك على القصيده الرائعه ولك ودي وردي وتقيمي يالغالي تحياتي لسموك |
رد: مرثية في والدي ....................
الله يرحم ابوك وابي واموات المسلمين
ذكرتني بالغالي الله يجعلهم من اهل الجنه |
رد: مرثية في والدي ....................
السليمي...الله يرحم والدك ياااااارب
وعسى الفردوس الاعلى دارهـ وإنتا الله يجزاك الجنه يارب |
رد: مرثية في والدي ....................
الله يرحمه يامعجب .. وخير القصيد ما صدق
هذا الكلام صح لسانك ولاهنت والله يرحمه رحمة واسعه |
رد: مرثية في والدي ....................
الشاعر جابر المري
الله يجزاك خير واسف على تنقيض الجروح لكن مالنا الا الصبر والدعاء لهم بالرحمة شرفتني بحضورك يالغالي فالف شكر تحيتي وتقديري |
رد: مرثية في والدي ....................
اهااااات
الله يعافيك ويجزاك خير مشكوره على تواجدك العطر تحيتي وتقديري |
رد: مرثية في والدي ....................
معجب
عظم الله اجرك وانا اشهد ان ابوك جاب رجال وانت كفو الله يرحمه ويسكنه فسيح جناتة دخلت في ايقاع القصيدة ودخلتني جو القصيدة بأبداعك مشكور |
رد: مرثية في والدي ....................
نايف الشمري
صح بدنك والله يجزاك خير يالغالي تشرفت بتواجدك الراقي لاخلا ولاعدم الف شكر لك تحيتي وتقديري |
رد: مرثية في والدي ....................
قصيده اثرت فيني
ونزلت دمعتي صح لسانك والله يرحم والدك ووالدي |
رد: مرثية في والدي ....................
الله يرحم ابوك
صح لساااانك |
رد: مرثية في والدي ....................
ايه يادنيا ..
ما عليك مقيم،، معجب،، صدقني مامات ابو معجب،، مدام خلف مثلك وشرواك،،، ما اقول: الا: رحمه الله رحمة واسعه.. واسكنه فسيح جنانه... باذن الله انه من اهل الجنه.. باذن الله... ....... القصيده يامعجب... من سمان الهرج ماهي من هزاله... صح الله لسانك... ورحم الله ابو معجب.. رحمة واسعة... ....... تقبل تحاايااي... يالغالي: أخوك/ فهد الهبآاش،،، |
رد: مرثية في والدي ....................
اللهم إرحمه وأسكنه فسيح جناتك وطهره من الخطايا كما يطهر الثوب الابيض من الدنس وإجعل قبره روضة من رياض جنتك وآنسه في وحشته ووسع مدخله وإغسله بالماء والثلج والبرد00 آمين يارب العالمين000 صح لسانك أخوي معجب ولا هنت00 لك الاحترام والتقدير0000 |
رد: مرثية في والدي ....................
الف شكر لكم جميعا يالغوالي
وصحت ابدانكم جميعا وجزاكم ربي خير الجزاء وماتنزل دموعكم على فقد غاالي ان شاء الله الف شكر لكم جميعا على تواجدكم الذي يثلج الصدر الله لايريكم مكروه دمتم بحفظ الله اجل التقدير والاحترام |
رد: مرثية في والدي ....................
رحمة الله على والدك وجميع موتا المسلمين
ابيات محزنه ورقيه اهنيك على هذا الابداع تحياتي |
رد: مرثية في والدي ....................
الله يرحمه ويسكنه الجنه
وان شاء الله الي جمعكم بدنيه الفانيه يجمكم بجنة الفردوس وصح لسانك وتسلم يمناك ويسلم احساسك الصادق لاهنت يلغالي دمت بسعاده وراحت بال دووم يااارب |
| الساعة الآن 08:14 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
