الملتقى الجماهيري للشاعر محمد بن فطيس المري

الملتقى الجماهيري للشاعر محمد بن فطيس المري (http://www.m-f6es.com/vb/index.php)
-   المـحاوره والعــرضــه (http://www.m-f6es.com/vb/forumdisplay.php?f=48)
-   -   محاورة بين عبدالله جابر السفياني وياسر سعود العتيبي (http://www.m-f6es.com/vb/showthread.php?t=24354)

عبدالله السفياني 02-16-2019 10:18 PM

محاورة بين عبدالله جابر السفياني وياسر سعود العتيبي
 
عبدالله جابر

سلام تسليمة اللي يسرقون القصيد
ماهمهم كنهم للنظم والقافيه

ياياسر انت مع العالم قريب اوبعيد
والنظره المبعدة ماهي كما الدانيه



ياسر الثبيتي

يامرحبا بالحراميه تراحيب قيد
لو يسرقون القلوب انفوسنا هانيه

اتشيل فالبندق اللي رميها مايفيد
اوزانك الصيد مير توقّع اوزانيه



عبدالله جابر

البحر فيه الحياه وفيه مثل الصعيد
ياشارعين البحر انجومكم عاليه

الليل ذبلة معاليمه ولا فيه فيد
ياللي تحب السهر في الليلة الدافيه



ياسر الثبيتي

الفلك تجري وحمل الفلك كله حديد
ومسير الفلك سيّرها على الثانيه

الذيب له صيت ذايع فالزمن مايبيد
يوم الغنم فالليالي دايماً غافيه



عبدالله جابر

ماعاد فيها موالي راح وقت العبيد
والناس في خير وانفوسهم ساميه

الخير واجد وكلا محتزي له رصيد
ماهي غريبة تكون الناس متجافيه



ياسر الثبيتي

روّح زمان العبيد وشمّرت كل غِيد
واشكال بعض الرجال نظنهم داهيه

انا اقتديت بعمر وبخالد بن الوليد
يوم ان همك مابين الحبل والسانيه



عبدالله جابر

اما حياة السعد والا ممات الفقيد
ياهكذا ياعدمت الوجه والناصيه

نعرف سلوب الذكي نعرف سلوب البليد
والفرق واضح مابين افراسنا العاديه



ياسر الثبيتي

ماعاد تدري عن الاخبار مير الاكيد
عيش الحياه وتذكر بانها فانيه

يافارسٍ قدمك الفريس معهم عقيد
لاتدحم النفس وانت تدور العافيه



عبدالله جابر

فلس من العرف والمعروف ماله رصيد
واصبح كما الطيرمكسور الجناحينيه

من معه مصقول عاند كل منه عنيد
ومساء مسجل له التاريخ عنوانيه



ياسر الثبيتي

ان كان مال للبنادم في حياته عضيد
عَض الندم فالشدايد وانبثق خافيه

ترى الغرور ايتحكم في الرجل والوليد
مايدري انه يسوقه سوق للهاويه



عبدالله جابر

لاورّدت وردت والله فعل مايريد
لوكنت شاعر مخضرم كنت في الباديه

الفرق مابين ابوزيد الهلالي وزيد
ان الهلالي يسوق الناس والعاديه



ياسر الثبيتي

ماودي أذهلك بالبحر العميق الجديد
واغويك وتصير شيخ الشله الغاويه

الله بلاني بابو عبدالعزيز العنيد
ماله ومال الجبال الشمخ العاليه


الساعة الآن 08:40 AM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69