|
الشباب اللي خلوا الابل وترخوا عنها
هذي للمرحوم ناصر بن علي العمره المري ومناسبتها في منتصف الثمانينات ميلادي تراخو هل البل عنها وخاصه الشباب واللي بيعها فقال الابيات التاليه:
عرب الحنازيب تنخا كل ديقاني @@@ تشكي عليهم من الحقران والسيبه حطو لها وايت(ن) وشراع سوداني @@@ وياحيف صبي(ن)نياقه عندها شيبه تكفون جازو هل المعروف بحساني @@@ معروفها سابق(ن)ما ينجحد طيبه البل كما الطيب اللي جاله اعلاني @@@ لاكبر سنه ربوعه قدّرو شيبه تكفون يالابتي ذربين الايماني @@@ البل هي العز وهي الكار والهيبه مادام عند الربوع قطاع ذيداني @@@ فالاسم تحييه وتودّيه وتجيبه البل عطايا الولي زينات الالواني @@@ من ضمها ضمته والناس تدريبه تبعده من ديرة الخبلان والشاني @@@ ومن عز نفسه غداله فالعرب هيبه ومن كثر ماله غدو الاجناب خلاّني @@@ ومن قل ماله حصل منهو ذكر عيبه يوم المغازي ومدح فلان وفلاني @@@ هذاك يعرف ردا الرجال من طيبه واليوم انا بذكر الله عالي الشاني @@@ اليوم قدهو ردا الرجال من جيبه |
رد: الشباب اللي خلوا الابل وترخوا عنها
ياسلام ياسلام
قصيده رائعه وكلام في الصميم تسلم يمينك على النقل |
رد: الشباب اللي خلوا الابل وترخوا عنها
المرية بيض الله وجهك واهنيك على روح الاصالة التي تسكن بذاتك
تحيتي لك |
رد: الشباب اللي خلوا الابل وترخوا عنها
إي والله البل عطايا الرحمن لبى سجة الخاطر عندها سمحات الوجيه
وان صدوا عنها بعض الشباب فمالنا مصد عن ورث جدودنا .. لاهني يالمريه عندي حواره طيبه ماخبرتي لها زبوون وابشري ترا سعيك محفوظ ههههههه |
رد: الشباب اللي خلوا الابل وترخوا عنها
[quote=فزاع المرشدي;348032]ياسلام ياسلام
قصيده رائعه وكلام في الصميم تسلم يمينك على النقل[/quot تسلم العفو هذا واجبي |
رد: الشباب اللي خلوا الابل وترخوا عنها
اقتباس:
تسلم جعل عمرك طويل اخوي بدر ولاهنت على المرور |
رد: الشباب اللي خلوا الابل وترخوا عنها
اقتباس:
لاحدن يقول ان مشترا البل خساره البل ذهب ويساق فيها قراطيس تسلم اخوي حمد من طيب اصلك |
| الساعة الآن 05:26 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
