|
( شبل العبادين + ناصر الشريف )
كيفكم حبايبي يارب الكل بخير ض44
بصراحه قضيت معكم أيام قليله لاتنسى قبل فتره ض22 وتشرفت بوجودي بينكم شعراء مميزين وأعضاء حلوين:) وتشرفت بمعرفت الشاعر أمير الشريف ونصوصه ومحاوراته الجميله وكان بيننا موعد محاوره وقبلها خذينا طاروق مع شاعرنا المميز الهباش لكن لظروف موسم النزل أي القميري وإخوانه واستقبال الأجوال بالسوبر بانيلي وصناديق أبو غزال انقطعنا نعود أستلم يا أمير ض26 يا اشرافنا مالقينا فالبلاد الشريف... فالحره اللي نزلها سيد اشرافها اخذ الخبر واقنع المندوب لو كان ضيف... من بعد الاول ثلاثه وأنت عرافها |
رد: فديييييييييييتكم طاروق ملزم
الله الله
ارحب يالغالي وعاش من شافك ورحله موافقه وحافله بالسميييين ان شاء الله وامير ونعم فيه وكل شعرائناا وانت كذالك من غير قصور وصح لسانك وانا في صف اميييييييييرر امتعوناا وبانتظار الاامييييييييييييييييييررر |
رد: فديييييييييييتكم طاروق ملزم
حياك الله يا شبل العيادين
وانا ملقوف واطلب السماح من اخي العزيز الذي انا متاكد انه ما كان توانا لو هو موجود في الرد ولكن استلم كلنا مكمل الثاني وسبق مني التوعد لكل بيت اشوفه واكون اول من يمر جيتك بثوب الامير العاقل بلا وصيف=وثقالها في يديني ترجع خفافها ثلاثة اشراف هلو مثل وبل القنيف=والبير من هو من الحضار غرافها |
رد: فديييييييييييتكم طاروق ملزم
كفوو ياناصر ونعم بك من غير قصور بالجميع
|
رد: فديييييييييييتكم طاروق ملزم
اخو من طاع الله ما عليك زود وتسلم على المرور الجميل
تحياتي |
رد: فديييييييييييتكم طاروق ملزم
يامرحبا أخو من طاع الله عاشت ايامك وانت الخير كله
شاكر مرورك ولطفك وناصر الله يبقيه شاعر وافي واشك انه بيزعل الامير لكن يشرفنا حظوره الاوله من فعولي قبل صيف وخريف... لو الامير اعتبرها طال ميقافها ركز وحلل وبدل فالشقا والكليف... واعرف مطامع هل الحرّه وحوافها |
رد: فديييييييييييتكم طاروق ملزم
النصر يا صاحبي في صف ناصر حليف=والناس ما حن نهمل صوت نكافها لكن تحاليلكم فيها التحدي ظريف=والحره اللي طمع هلها حن اسعافها |
رد: فديييييييييييتكم طاروق ملزم
لو قلت مافي جنيف ألا براد ومصيف... آقول وجدي على القمه ومشرافها
قصة هل الحرّه الحٌرّه حصون الوليف... بنيان الاشراف ماتنجيك باوصافها |
رد: فديييييييييييتكم طاروق ملزم
اقول لك يا نما خلك معانا اليف=والهامه الشامخه تشرق بها اطرافها يوم الخيانه لفت من كل شاحذ رغيف=راحت حصون العلا في كف سيافها |
رد: فديييييييييييتكم طاروق ملزم
أن قلت والا بليت بلبس عاري خفيف... لومك على النفس وألا جرت الحافها
من بعدها صار لي فيها مواريد كيف... من ساسكم حي ساس الناس واعرافها |
رد: فديييييييييييتكم طاروق ملزم
خايف يسبب كلامي في دماغك نزيف=ياللي مرابيعكم من هو لفا حافها يا كيف عبد الحميد وكيف عبد اللطيف=ان بينت طاقة العبد الذي لافها |
رد: فديييييييييييتكم طاروق ملزم
الكف ماهو ملي والقلب ماهو نظيف... هرجت خلا حدت الضايق بمحرافها
هذا سؤالك لنفسك يوم جاله وحيف... متلزمٍ في دروب الناس وخلافها |
رد: فديييييييييييتكم طاروق ملزم
يكفي شريف النسب لا جا مقامه منيف=والا انت ربعك تنشد من هم اسلافها جدي رسول وهلي من حول ظهري لفيف=يا حيف كيف العرب تتجاهل اعرافها |
رد: فديييييييييييتكم طاروق ملزم
قد قلت ماشفت في تال الليالي شريف... الاسم الاشراف والشرفه لشرافها
أنت اعربيٍ بلاه الله وعود ضعيف... ضاعت معان البيوت وضاع خطافها |
رد: فديييييييييييتكم طاروق ملزم
انا اشهد انك سخيف وساس عرقك سخيف=يوم القبايل على اصلك ضاع مجدافها واسمك معى تالي الدنيا بيقلب جوزيف=ما دام عمك اوباما طوع الافها |
رد: فديييييييييييتكم طاروق ملزم
كفوو ياناصر والنعم ؤالله ..
ؤلا تهون ياشبل |
رد: فديييييييييييتكم طاروق ملزم
هوجاس ما عليك زود والله لا يهينك على المرور
تحيتي لك |
رد: فديييييييييييتكم طاروق ملزم
حياك الله ياشبل المعادين .. أرحب بعد الغيبه .. صح الله الأسن وبيض الله وجيهكم ..
ولو اني زعلان شوي من ناصر على الطمره الغريبه .. ياناصر الرجال دعاني بإسمي ماهو بحق انك تدخل معه حتى لو انك عزيز وغالي ومثل النفس .. لكن فاهنه ماهنا خلاف الجايات اكثر ياشبل المعادين .. |
رد: فديييييييييييتكم طاروق ملزم
هلا ومرحبا بالجميع...
ومثل هذي المحاورات هي ما نرغب فيه... المحاورة الحقيقية هي حاضر بحاضر ... شكرا لا عدمنا تواجدكم... وحياك يا شبل من جديد منور دائما |
رد: ( شبل العبادين + ناصر الشريف )
حياك الله يا امير والزعل ماله داعي وانا اخوك ولو ما كنت امون ما دخلت
بعدين انا تقمصت الشخصيه ما فيها شي هههههههههههه ومثل ما قلت الجايات اكثر تحياتي وخالص تقديري لك يا امير |
رد: ( شبل العبادين + ناصر الشريف )
صح الله لسانك ياناصر وصح الله لسانك ياشبل العيادين المتمرد لاكن بدون عنصريه جاك الي تدورله ... ههههههههههههههههه محاوره جميله واستمتعت في قرائتها حيث اني اقراها واعيد اقراها ثاني مره من جمال مابها من معنى كفو ياناصر هههههههههههه يستاهلون
|
رد: ( شبل العبادين + ناصر الشريف )
محمد صح بدنك والله لا يهينك على المرور
ولالهم الا هي من دور لها لقاها طال عمرك تحياتي لك |
رد: ( شبل العبادين + ناصر الشريف )
مرحبا بالجميع شرفني تواجدكم
والقاف يرضي من شاف من يرى أن الصعود للقمر شبيه بالنظر اليه لايملك القدره على تمييز الليل من النهار ومن يرى في نفسه القدره لذلك قد يعيش أحلى ايام الجنون الخيالي تحياتي لكم الشاعر المميز والخلوق وعميد الميادين الامير الشريف واللذي اتوقع له بصمه مميزه وحظور في قادم الايام من خلال ساحات المحاوره الشاعر الذهبي فهد الهباش المشاكس والشاعر الكبير ناصر الشريف اللذي اتمنى من كل قلبي أن يتقبل ويعلم أن اثناء المحاوره ومجرياتها وآقع آخرلايمت بصله عن ما نكنه من مشاعر أخويه خارج المحاوره محمد الشريف تحياتي وتقديري لشخصك الكريم |
| الساعة الآن 02:18 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
